Kgale kgale go be go na le sethokgwa se lefsifsi.

Ka nnete sethokgwa se se be se lefisfsi la go šiiša e bile se le segolo. Go be go na le mehlare e mentši le tsela e tshese ka kudu. Diphoofolo tše ntsi le dinonyana di be dula sethokgweng seo.

Ka letšatši le lengwe diphoofolo ka moka di ile tša ba le kopana. "A le kwele?" gwa botšiša Tota, polipoli "Ee" gwa realo Hirmi, phala "Eng, wa reng?" gwa botšiša Darpok, mmutlanyana "Re na le sekolo mo sethokgweng" gwa realo Zhoola, kgabo "Aowa, Mmmm! Gwa makala Mota, tlou. Lambo, thutlwa a re"Ke ditaba tše bose tšeo" Dheema, kgopa a tswiyelela godimo, "A re sepeleng, phakišang.

Tota, polipoli a fofa a di etela pele. Zhoola, kgabo, o be a tshela tshela godimo ga mehlare,a tloga go mohlare wo a ya go wola. Poorha, mokwepa, o be a swere tsela le yena a gagaba ka pela. "Re šetše re fihlile" gwa goelela Tota, "a le kgona go bala?" "Ke bona e ke mongwalo o lebeletše fase" gwa realo kgabo a lekaleka godimo ga mohlare. Poorha a araba ar re" Ga a gona yoo a tsebago go bala."

Ka ponyo ya leihlo, ka moka bagwera ba bona ba be ba šetše ba fihlile. Lambo a lebelela godimo mohlareng." Ga go motho mo" Zhoola a boeletša seo se boletšwego ke Lambo: Gago motho mo" Tota o dira tšhitšhinyo" Lebelelang gabotse." Pilloo, bere e nnyane a bega a re" Ke hweditše kamora.

"Ke hweditše teku" ke Dheema yeo, o a ba tšebiša. "Dikotana tše ke tša eng?"Darpok o nyaka go tseba. Poorah o a hlaloša, "Ke tshepa gore ke pensele."

Mota le Lambo ba ile ba hwetša phapoši ya borutelo. Ba ile ba bitša ba bangwe, "Bona ke eng se?" Yo mongwe le yo mongwe o be a tlile le mokotlana wa sekolo. Ba ile ba thoma go goelela "Morutiši, Morutiši" O kae morutisi wa rena. Ga gona yo a be a tseba gore morutiši o kae.

Gomme ba ile ba kwa selo se rora. Sa buša sa rora ka kudu Sa rorela godimo ka maatla Poorah o ie a thoma go tshwenyega. Dheema a tlelwa ke letšhogo Tota a iphihla ka morag. Ga Lamba le Zhoola, bona ba be gakanegile.

"Ke mang ye?" "Hooo" gwa realo Zhoola, kgabo. Ba homolela ka moka ba re tu! Ka moka ba lebelela morutiši Ba mo lebelediša gabotse, ba tloga le yena godimo ba ya fase. Gomme ba lebelana.

Morutiši o ile retologela letlapeng go ya go thoma go ngwala. "Tshela" gwa realo Zoolah "Fofa" gwa realo Zoola. Tha, tha tha, tha ke Mota yeo a kitima "O kgaegile" ba goelela ka moka ka setee. E rile ge morutiši a retoga Go be go se na motho ka phapošing.