Nyalosi ayong akwaar naga losukul. Erai akwaar naga nakiyang'aret.

Nyesemee ayong a T.V akwaar naga. Emam astima awadaang.

Inyo tokona alosi ayong akisub? Akwaar naga alosi ayong atopup akwaan kang.

Eking'aren, echamit atachakin chok lokojokon. Dio atopedoria akiirar akwaan kang.

Ikong'ina, tokonaa eiraa ayong ekiyang'anu kang. Tooma. King'a. Tooma. King'a.

Nabo apedori ayong ekeu ekiyang'anu kang noi. Sssssssssssssssss ka wadio Mmmmmmmm.

Nabo, eiraa ayong etu kang idong'ae. Doodom, doodoom, dooodooom.

Apedori ayong akisdong'akin etau kang atipei ka lokojokon a? Ee, akipor kidiama ka kwap ng'arwa ng'atomwoniarei.

King'olik tokona, idong'ae etau kang atipei. Doodom, doodoom, dooodooom!

Kewaak ayong ng'imoyo kang nakep a akan, apedori ayong eira elote ang'akot kang!

Nabo eirar ayong ilope akianaa Haha haha haaah haaa!

Ka akigoro Boohoooohooo!

Ka nabo akidet ng'akan tap tappa tap tapaa.

Kang'una kadaang-eirari ayong akook kang irurumae. Guddu guddu guddu.

Nabo tabala kisumujae ayong, kisumujae ayong.

Nabo ing'uunete ng'ikumes kang enyas (mane-meal) lo ipoe itokang. Epedorete ng'ikumes akiirar a?

Erai ibore ajokon akiirar akwaan kang. Tokona asaki eira ng'ikitiny kang enyakaasi.

Ka akook kang iguri enyas lo aitokang loajokon!