Sakima ya banga ghalala n'abazaire be era ni mwaninha owe myaaka ena.Baliinga kw'itaka ly'omusaadha omukombe.Akasisira kaibwe kaali kumkomerero yo lukonholiro lw'emiti.

Sakima bwe yali nga wa myaka esatu,yalwala era ya tulughala.Sakima yali mulenzi wa talanta.

Sakima yakula ebintu kaamala abalenzi abe myaka omukaaga bye bataakola.Ekyo kubonera ku,nga atyama n'abakaire ku kyalo era baghaya ku nsonga enkulu einho.

Abazaire ba Sakima ba pakasanga mu ndhu y'omusaadha omukombe.Nga bawuunha munkyo era baira igulo inho.Sakima ba mulekaanga ni mwanhina omuto.

Sakima ya nhumirwanga okwamba enhemba.Lulala maama ghe ya mubuuza,"Sakima nhamba odheegera gha?"

Sakima yairamu,"Ndhiidi bwiidi,maama.Ndhiiwulirira mu bwongo era na yamba."

Sakima ya yenda nga okwembera mwanhina omuto okusingira irala nga endhala emuluma.Mwanhina ya muwulirisa nga ayemba olwemba lwe olunhuvu.Nga awulirisa eiroboozi eisenhenkherevu.

"Sakima oyinza okukamba era wa kaira ganamu,"Mwanhina ya mwegayirira.Sakima nga akiriza ya kairaganamu.

Oweigulu lulala bakaire be bwe baira ghaka nga basirikirivu.Sakima yategeera ati ghali gho ekyali ki sobye.

"Kizibu ki,maama,bbaaba?"Sakima yabuuza.Sakima yakitegeera ati omwaana omulenzi w'omusaadha omukombe yali abuze.Omusaadha yali munakughavu inho.

"Nsobola oku mwembera ku.Ayinza kabiri okusanhuka,"Sakima yakoba bazaire be.Aye abazaire ba mughakania."Mukombe inho.Oli bwa mulenzi mutulu.Osubira nga olwemba lwo lwida kumuyamba?"

Aye Sakima kanga agoha.Mwanhina omuto ya mughagira.Yakoba,"Enhemba dha Sakima dhi mpoghereza nga endhala enhuma.Dhiidha kughoghereza omusaadha omukombe yeena.

Olunaku olwaira ku,Sakima ya saba mwanhina omuto amukulembere baje mu ndhu y'omusaadha omukombe.

Yaye merera ghansi ghe dinisa era ya tandhiika okwemba olw'emba lwe olusinga bunhnvu.Mpola mpola omutwe gw'omusaadha omukombe gwa tandhiika okuva yo mwidhinisa.

Abapakasi balekera bye baali ku.Bawulirisa olwembo lwa Sakima olusenhenkerevu.Aye omusaadha mulala yakoba,"Ghabale ghazira muntu asobola ku kubagiza mukulu.Omulenzi oy'omutulu aloghoza ati ana mukubagiza?'

Sakima yamaliriza okwemba olwemba lwe era ya kyuuka agolole.Aye omusaadha omukombe yafubutuka mu ndhu era ya koba,''Nkusaba oiremu okwemba.

Mukiseera kyeena ekyo, abasaadha babiri baida nga basitwiire omuntu ku mugogolo.Baali bagainhe omwana w'omusaadha omukombe nga akubibwa era nga alekeibwa ku mbali gho luguudo.

Omusaadha omukombe yali musanhufu okwiramu oku bona ku mwana we.Yasasula Sakima olw'oku mukubagiza.Ya twala mutabanhe ni Sakima mwirwaliro okukabera oba Sakima asobola okwiramu okubona.