Eira eino, ghaliwo omusaadha eyali nogubwa ku mugulu gwe. yali tasobola kwemerera waire kutyama.

Abafumbo abo bali na abalenzi basatu no omughala mulala. Omughala nga ni Nangila. omulimo gwe gwali gwa kulabirira Bbaabba we. Abalenzi bakolanga ku nimirona kwaya bisolo.

Nangila yali mughala mulungi. Abana kyalo bamugonzanga era nga bamwisamu akanagansi. Abazaire ba Nangila bamwendeza musaadha mulungi.

Buli yayendanga okubayiza Nangila nga alina okufuna akalezi okuva mu nhandha okulilana ku kyalo.

Abasaadha abandhi bagezangaku okufuna akalezi aye bairiranga agho busa.

Nangila yaba mweinamivu. Ni banina bona nga tibaghanga kuja ku nnandha. Lwali lulala, yasalagho aje mwene afunhe akalezi. Maama ghe yamukoba,"Mwana ghange,oba nga abasaadha aba manhi bibikayiiya, iwe onasobola?" Aye Nangila yali mumalilire okuja.

Bweyaba ali kuja ku nnandha, Nangira yayagaana omukazi omukaire nga yetwise enku. Yetwikiraku omukazi enku. Omukazi omukaire yasanhuka inho. Yakoba Nangira, ndhidha kukukobera engeri gyonatukamu ku nnandha eyo omuzimu era ni kyonakola nga otuseeyo.

Bweyatuuka ku mbali kwe nnandha, Nangila yabona amaka agemizimu nga bali kunwa nokukina Yalindhirira era yerolera. mulala ku mulala, emizimu gya tendhuka.

Emizimu bwe gyali mu ndhoolo, Nangila yatuumira mu nnandha. Yayagaana akalezi era yakaata mu ndyanga ye. Yewuuga yaira kubukala, amayengo gaali gafukuuse.

Nangila bwe yatuuka ku bukalu emizimu gyasituka mu ndhoolo. Nangira yatya ihno, aye yayemba olwemba omukazi omukaire lwe yamwegeresa. "nze mughala gha wekesa, nva mu nnandha. Naidye kubanga abasaadha batya okwidha. Bbaabba ghange ayendha akalezi kano okughonia ekiwundhu kye. Kyova ndhi ghano, mu kifo ekitiisa abantu okwidhamu, kubanga niimwe abafuzi."

Eiroboozi lya Nangila lyali isenenkerevu era nemizimu gyamusaba airemu agyembere ku kemba emirundi mingi. Okwemba kwe kwaizaamu emizimu okutendhuka. Nangila yalumuka inho paka bweyatuuka ku kyalo kye.

Buli muntu yali alindhirire okwira kwa Nangila. Bwe yamala okwidhandhaba oguwundu nga akozesa akalezi ako Bbaabba we yairamu okwemerere. Ekyalo kyona kyona kyakina okutendereza Nangila.