Lwali lulala' ebisolo byona byona byaba nga ghalala mu nsiko. Wankoko yali mukulembeze wa bwo.

Wankoko yakoba ba wansolo ati ekisunsulo ekiri ku mutwe gwe bakigheesa mu muliro.

MU naku edho, omuliro gwavanga mu kusirisiina biti, olunaku amaadhi lwe gaagwa, ebiti bya wampala byabola. Nga taghanga kukunaania muliro guleeta ibugumu mu makaage.

Wampala yatuma abaana be bafune kumuliro ku kisunsulo kya wankoko.

Wankoko yali mumbera mbi. Yabinga abaana ba wampala nga tabaghaire muliro.

Mu bwire einho, wankoko bweyali atendwike, wampala na abaana baja okwiba omuliro ku kisunsulo kya wankoko. Wampala yafuna eisubi eikalu ku luya lwe nhumba ya wankoko.

Yata eisubi eikalu ku kisunsulo kyo mutwe gwa wankoko nga atendwike.

Abaana ba wampala bona bagema ku kisunsulo. nga kuzira muliro! Wampala na abo mumaka ge bona bona batimbuka enseka.

Enseko dha wampala dhasitula wankoko ne nkoko okuva mundoolo.Wankoko ya bakyukiza ekisunsulo okumpi ni ye baali, yalekaana muve wano. timuli kutya?"

Wampala yairamu, "ife tugemye ku kisunsulo kyo era twidhi akakodyo ko! tuja kwirayo tukobere ebisolo ebindhi. Baidha kunhiigira inho."

Enkoko dhaatya inho. dalumuka ni wankoko yeena yalumuka naadho.

Okuva ni kwolwo, Enkoko dhitya inho empala ni leero dhiba na abantu olwo okwenda okufuna obukuumi.