Ghaaliwo ab'o lunganda babiri nga betebwa Ndhovu ni Nkula. Lwali lulala, Bizibu yaidha yabagha ebintu bibiri ebyokulanku. ''Londhaku obutulu oba ekigenge,'' Bizibu bweyalagira. Nkula yayendha okuba omudagudagu. Yeyuna yalondaku ebigenge nga ayendha asigaze amaiso ge. Ndhovu yerondera obtulu.

Omulenzi Nkula yasungughala olwe ebigenge. Obutulu bwaga Wandhovu obuguminkiriza. Wandhovu yayendha obuyambi aye nga Nkula nkula amubisa bubi inho. Aghoni Ndhovu yafuna omwigo ogw'okutambulirangaku. bekubanga obwama bombi. Aye omwigo gwayambaga inho Mdhovu okulwaa n'a bazigu.

Kuba Nkula yafiirwa ngalo no bukongovule yeena ayenda obuyambi.Wandhovu yali wa kisa.Emere olwagabwa,Nkula yayenda Wandhovu asaale emere agite mu ngalo dhe.Nkula tiyali musanhufu.

Lulala kunco,maama ghaibwe yagaba ebira ebiso.Kuba endhala yali eri kubaluma,abalenzi tibalinda bira kuwola.Nkula yagaita engalo dhafuuka sowani.Yakoba,"mute omugabo gwange ghano.

Ebira byali bisu bya mwokya mu ngalo.Nkula yawuba engalo ghansi ni ghaigulu,okuwoza engalo.Ekira kyagwa ghansi.Wandhovu yacuusa ekira mu ngalo ni mu ngalo era tikyagwa ghansi.Nkula yanhiga.

Nhamba olonde ekira,kyange,"Nkula yakoba Wandhovu."Tisoobola kubona,"Mpa mu ngalo,ndha kukulaga,"NKula yakoba Wandhovu okunhonia ekira,fuughaku omukyanga.Yagha Nkula.

Olweigulo,maama ghaibwe yabagha ebira ebisekule,ne bifi bina ebye mamba.Wandhovu yayangugha yagema emamba ate yabaala ebifi ne ngalo dhe.Nkula tiyakimanha nga Wandhovu abaala emamba.

Nkula yagezaaku okwiba emamba yagisula.Ekiseera bwe kya tuuka okugabana emamba,Wandhovu yabuuza,"Lwaki ebifi bye mamba ti bina?" Biri bisaatu, "Nkula yebuugusa."Bibaire bina,"Wandhovu yaigumiza."Oli mutulu?" Nkula yabuuza.

Lwali lulala endhala yali eri kubaaluma aye nga maama ghaibwe alikwira."Tuje tuzanhe twerabire endhala,Nkula yakoba.Wandhovu yaikiriza, ate Nkula yakoba,"Twewuge mu mwiga."Yamanha nti Wandhovu tasoobola kwewuga.Yategeka okwita muganda we! Wandhovu ni Kaigo bagoberera Nkula.

Mu ngira Nkula yaaja mu kibira.Yalonda eibaale eizito yalita mukwagha dhe.Tiyafaayo bwe yalonda eibaale.Tayafaayo ni bwe yatambulira ku mwiga.Lwaki "tiyefiraayo?"Wandhovu yabuuza Kaigo.

Bwe batuuka ku mwiga,Nkula yakoba,"Ngya kutuuma omulundi nkuyambe okwewuga."Yatambula okuva ghe Wandhovu.Yasitula amabaale yasuula mu mwiga."Eiroboozi eitono nga ti lya Nkula,"Kaigo yawewetera ku mu matu ga Wandhovu.

Wandhovu yakoba Kaigo okutegera ebisingawo.Yatandiika okwetooloza akati.Kaigo yakosa Nkula inho."oo!" Nkula yalira ate yatuumira mu mwiga. Akati akekyewunio ka kyusa Nkula ekisolo kyo mu maadhi.Yacuusa Wandhovu ekisolo ekyo kwitaka kyafuuka ndhovu kwevugiraku