Óre te ápa, náa kémóda iltung'aná, néméyíólo tóki. Imeyíólo áatuun indaikí, néméyíólo áatiripú inkiláni, néméyíólo áaitobirú imasáa ósuyai. Nétií enkaí shúmátá nájî Nyame. Néata emotí oó inkulupúók nabóre eng'enó.

Óre nabô olóng, néísho Nyame Anansi ínâ motí oó inkulupúók nabóre eng'enó. Náa óre enkátá pookí náíng'or Anansi ínâ motí oó inkulupúók, nétum eyíólóúnotó. Néshipa Anansi naléng.

Nédamishó Anansi, néjo, "káik enâ motí te enchumatá ó olchaní óádó. Néákú nánú aké náíng'or."  Népiyayu enkeené náádó, néenikí te enchotó nábo empólos enyé néítokí aenikí te enkái shotó ínâ motí.  Néíteru akéd olchaní. Négolu enkedotó éátâ emotí naenikíno empólos.

Óre egirá Anansi aekenyá akéd olchaní, náa kéíng'oríta aké enkáyíóní énye nátií abóri ílô shaní. Néjokí inâ áyíóní, "émeleléku sá doí enkedotó ó olchaní teníeníki ínâ motí enkoríóng?"  Nélaku Anansi emotí oó inkulupúók te empólôs, néenikí enkoríóng. Nélelekú enkedotó katúkûl.

Nébaya Anansi enchúmátá ó olchaní. Néítashe adamishó. Néjo, "káji eikó páa enkayíóni áí náata eng'énó peê áalâng náa nánú náata emotí natíi eng'enó?" Négoro olêng. Nénang'u Anansi ínâ motí oó inkulupúók aborí ó olchaní.

Nébelibela inâ móti, néaku meáta oltung'áni leitú étûm eng'énó.  Náa néíjia éíkúnâ iltung'aná peê enotitô eng'énó nauníé endáa, ó enaripíé inkiláni ó enaitóbirie intokitín ó osúyáí.