Lwali lumo, ebisolo byonabyona byabbanga ghamo omunsiko. Ompanga niiye eyabbaire abikulira.

Ompanga yakobere ebisolo ati oluyundo okumutwe gwe lwakoleberwe mu musyo. N'olwensonga eyo ebisolo byonabyona byatiire ompanga.

Omunaku egyo, omusyo gwali gukumibwa na busaale. Lwali lumo nga gagwire, akasaale k'empala kadodere. Yaali nga tasobola kukuma musyo kusuuya b'omu mak'age.

Agho ompala yatumire abaana be okusabaku omusyo okuzwa y'oluyundo lw'empanga.

Ompanga yaali nga tali kwewulira. Yagudirye abaana nga babula namusyo. Ompala yanyigire abaana bwebairire obwerere.

Oleke obwire nga ompanga agonere, Ompala n'abaana be bayabire okwibba omusyo okuzwa okuluyundo lw'empanga. Ompala yalondere obusubi obukalu aghanza ghe nyumba y'empanga.

Yataire eisubi okuluyundo lw'omutwe gw'empanga ng'egonere. Aye eisubi tiryakwaite musyo. Nga yegenderezya yakaite okuluyundo. Lwali lwinhogoki!

Abaana be boona ni bakwata okuluyundo. Tikwabbaire muliro! Amaka g'ompala gatandiikire okuseka.

Okuseka kw'empala kwasitwire Ompanga n'abaana be. Ompanga yabacuusiirye oluyundo, yeyasya, "Mwandibbaire muzwagho. Tandi mutya?"

Ompala nairamu, "Tukwaite okuluyundo lwo era tumaite akakodyo ko! Tuli kwirayo era tukobere ebisolo ebindi. Baiza kukunyigira."

Obukoko obutobuto bwatiire. Bwapyaitegho n'ompanga napyata nabwo. Obukoko bwalekere ensiko ni gyaba kubba na bantu.

Okuzwa kw'olwo, enkoko gyatiire empala ni gyibba n'abantu olw'obukuumi.