Eira einho Wankoko ni Wankokooma bali ba mukwano inho. Lulala,wankokooma yayagana wankoko ghansi gho omuti nga aghumuliiza omugulugwe mubighaghabye. Yali ayemereisa omugulu mulala.
Wakibwala yaabuuza Wankoko,"omugulugwo ogundi guligha?"
Wankoko yaakoba Wakibwala ati,"Omutunzi gheidhuka yantemyeku omugulu gwange yampamu ebyamatano bino."
Wakibwala yabuuza Wankoko oba yena kisoboka okumukolera nga kityo. Yeena yayendaku ebyamatano. Wankoko yaikiriza.
Wakibwala yaaja yo ogheidhuka yamusaba amutemeku omugulugwe ogundi amughemu ebyamatano. Ogheidhuka yaaikiriza.
Wakibwala yakongodhera ku mugulu mulala okutuka ghaka.Aye yali musanhufu olwe ebintu ogheidhuka byeyamugha.
Bweyatuuka eka, yayaagana Wankoko nga ali na amaguluge gombi.
Wakibwala yaswaikira era yaabinga Wankoko. Aye tiyaghanga kumugema. Mwekyo,Wankokoma yatandiika kunonia baana ba Wankoko.Buli lwagemya ku baanabe,abalya bulye.