Agho olwatuuka,ekibe kyali kutambula mu nsiko. Nga endhala eri ku kiluma inho. kyabona eikoli erigulwike ghaigulu ghe emiti ne ekitole kyo omuzigo ku munwa gwalyo.

''Ayayayayaya ogwo omuziko guboneka nga ogughooma! Ndi no okufuna engeri okugufuna, '' ekibe kya dhuuba, Ha, ndi ne engeri!'' Ekibe kyeyogeza bwe kiyuuza omunwa gwa kyo mangumangu. Tikyayenda ikoli kunanha nga kiri ndhala.

Eikoli libaire liri ku guluka okuva ku nco. Nga ikoowu. Lyasalagho okutyama ku lusaga lwo omuti. Ekibe kyona kyatyama eifo wo omuti ogwaliku eikoli.

Ekibe kyayeta na akamwenhu ake ekitalo, ''Alo waikoli! oli kuboneka bukalamu inho olunaku lwaleero. Amaghagha go gali ku nherengeta ate mayondho. Oboneka oli kwefaaku inho.

Eikoli lya wulira nga ekya buliidho. Eikoli buliidho lya dhuuba nga nga ne eriwula maani na kuboneka bukalamu mu binhonhi byona byona.

''Mpulira era oli na akaloboozi akasinga kwemba mu binhonhi byona byona byona. Tonembereku kembo nco lino!''

Eikoli lyewulira mule nga ni lyonka lya dhuumuula amaghagha gaalyo lye tereka okwembera ekibe. Lya sindika ekifuba kuliya okufulumya akaloboozi akaghulikika.

Eikoli liinhama okukoolobya ekitole kigwa ghansi, gheeneghene mu maiso ge ekibe. Eikoli lirekera okwemba liringa ghansi. Ekibe kinhaga ekitole kyo omuzigo era kya lumukira munsiko. Eikoli baalireka nga inhiivu era nga iyala.