Eno mbwa.

Embwa eri mu nhumba yaayo. Embwa etyama mu nhumba yaayo yaawulira ekikonkona ku lwigi.

Embwa eigulagho olwigi. Embwa ebona omuntu wa kyenvu!

Embwa ebuuza," Niighe ani?" Ninze Puusi. Puusi eya kyenvu.

Omutwe gwa Puusi ni enviiri bya kyenvu.

Emikono gya Puusi ni engalo bya kyenvu.

Omunwa gwa Puusi, enindo, amatu ni amaiso bya kyenvu.

Embwa ebuuza Puusi, "Lwaki oli wa kyenvu?"
Puusi emwiramu, "Tiidhi zeena."

Embaw ebuuza, "Ghali oligha?" Puusi ekoba, Nali kwisomero."

Embwa ebuuza, "Kwisomeroki eryo?" Puusi ekoba, "Kwisomero lya mu kyalo."

Embwa ebuuza, "Biseeraki bye ghali kwisomero?" Puusi ekoba, "Kwali kunco."

Embwa yabuuza,"Ghali oli kukolaki kwisomero?" Puusi yakoba,"Nali ntendwike."

Era Embwa yairamu yabuuza," Ghali otendwike kwisomero?! wa wewatenduka?" Puusi ekoba," Nali ntendwike einhuma we isomero."

Embwa eloghooza era ya ghandiika. Eghandiika ekighandiiko ku lupapula. N'ani: Puusi. Wa:Einhuma w'eisomero. Isomeroki: Eisomero ery'omukyalo. Kiseeraki: Kunco. Kiki: kutenduka. Lwaki:?

Puusi yamala yaakoba, "Tyali nze zenka kwisomero. a Ghaligho n'omuntu owundi."

Embwa ebuuza," Ni ani owundi eyali kwisomero?" Puusi ekoba," Wandhovu yali kwisomero."

Embwa ebuuza, "Wandhovu yali ali kukolaki kwisomero?" Puusi ekoba," Wandhovu yali ali kusiiga langi.@

Embwa ebuuza, "Wandhovu yali ali kusiigaki?" Puusi ekoba,"Wandhovu yali ali kusiiga isomero."

Embwa ebuuza, "Wandhovu yali ali kusiiga atya eisomero?" Puusi ekoba,"Yali ekozesa gu bbulaasi ogubba okusiiga eisomero..."

Puusi ebula ekyo okwiramu. Puusi eloghooza. Puusi yaamala yakoba," Buti ndidi lwaki ndi wa kyenvu!"

Puusi ni Embwa batambula okuja kwisomero. Wandhovu ali kusiiga eisomero. Wandhovu ali kusiigs eisomero ni langi ya kyenvu.

Wandhovu asiiga buli kintu. Ti isomero lyonka aye yasiiga ni Puusi.

Bbaayi Puusi ya kyenvu. Bbaayi Embwa. Bbaayi Wandhovu.

Ekighandiiko kino kira kyenvu nga langi eye ekitangaala.