Agho olwatuuka, yaliyo ba Wampube babiri.

Wampube oghundi yali wa mukibuga ate oghundi yali wa mu kyalo.

Lwali lulala, Wampube ow'omukibuga yaakoba ow'omukyalo, "Olya bubi ate waasula bubi inho."

Ife tusula mu ndhu ya mugaiga era tulya ebika eby'emere eby'endhawulo buli lunaku. Idha oncaalireku obone, "Wampube w'omukibuga neyakoba."

"Ndha kwidha obwire bwaleero," Wampube w'omukyalo neyakoba.

Mukaseera ako omukungu yali n'obusungu era yaalaama empube edhimuliira emereye, dhiidha kubona!" akaseera ako, yaatega akatego nga kaliku sukaali.

Ba Wampube baingira okuja okulya ebirungi ebiri mu nhumba. Baidha nga beeseka, "chuchuchichicheche!"

Bwe baatuuka ku katego, Wampube w'omukibuga yaakoba, "Leka ndozeeku ku sukaali ono. Olikubona ebirungi byetulya eno.

Aye nga Wampube akaali kuloza kusukaali, akatego kaamugema, pa! Akatego kaagema omutwe gwa Wampube, amaiso ge gaamutunguka.

Wampube w'omukyalo yaamulingirira bulingirire, yeewuunhia. Yaakoba, "E. Heee! mukwano gwange, birungi ki byoliire ebikanwire amaisogo ekyaga ghano?"

Aye nga mwine tasobola nakumwiramu.

Agho Wampube yaafuluma nga akoba, "Haa! Tiidha kusobola birungi byompaniire."

Amaka go amabi gasingaku amalungi agatali gago.