Wandhovu ni Wakaduuyu baali ba mukwano inho.

Nga baagala bombi eisubi n'amaadhi okugha ensolo dhaibwe.

Baayendanga okuzaanha omupiira.

Wandhovu yateeba goolo kamaala.

Wakaduuyu tiyali musanhufu.

Wakaduuyu yaabuuza Wandhovu ati, "Kiki ekikufuula omuzaanhi omulungi?"

Wandhovu ati, "Magulu gange amanene."

Wakaduuyu ni Wandhovu baasinganwa okulumuka embiro.

Wakaduuyu yaaghangula.

Wandhovu yabuuza Wakaduuyu ati, "Kiki ekikufuula omulumusi omulungi?"

Wakaduuyu ati, "Bugulu bwange obutonioli."

Wandhovu yaabuuza ati, "Mpanga ntya okufuna obugulu obutonioli?"

Wakaduuyu yairamu ati, "Ndidha kukwoleka."

Wakaduuyu yaamukoba ati, "Yemerera mu muliro."

Wandhovu yaakola atyo. Yaatoolera okulira ati, "Ndikuya omuliro!"

Wakaduuyu yaakoba Wandhovu ati, "Eyo n'engeri yonka amagulugo yegaghanga okufuukamu obugulu obutonioli."

Wandhovu yava mu muliro.

Yaalambaala ghansi.

Wandhovu yamala enaku kamaala nga taghanga kwemerera.

Bweyatereeratereeramu, yaatambula yairayo e ka eyali ab'omumakaage.

Wakaduuyu yawulira mule okwenenia.

Yaasaba Wandhovu okumusonigha.