Maama yali alikumaririza kuta ngoyedhe mu'nsawo e'ntono.
Bweyali afuluma mu'mulyango, yangwa mu'kifuba nga ankoba ati, "Weraba."
"Maama oja gha?" Namulinga mu'maiso nga bwemubuuza.
Natandiika okulira nga nnhenda kumunonereza aye bbaabba yambedha yansitulira ku'mabegage.
Bbaabba yankoba, "Maamawo alikuja mw'idwaliro kuzaala mwana."
Bwenawulira kukyo "mwana" nasirika namulingaku. Namubuuza. "Lwaki alikuja kuzalira mwana mw'idwaliro?"
Bbaabba yantyamya ku'katebe akatono yankoba ati, "Nja kukukobera lwaki alikuja kuzalira mwana mwidwaliro."
Namuwulirisa nga anhinhonhola waire nga nali tiri kutegera lwaki yali alikuja kuzalira mwana mwidwaliro natazalira ghaka. Bbaabba bweyamala okunhinhongola, namubuuza, "Aneyongera okunhenda bwanaira no mwana owundi?"
Bbaabba yanseesa kumpi naye ya'nkoba ati, "Twidha kukwendanga bulidhobulidho."
Nabuuza Bbaabba. "Nsobola okumughandiikiraku e'bbaluwa nga ali eyo?"
E'igulo elyo natandika okughandiikira maama e'bbaluwa.
Nakanula olupapula mu'kitabo kyange natandiika okughandiika.
"Maama, maama, bbaabba yankobye ati ogyire kuleeta mwana wundi.
Ee yangughaku oire eka.
Nhendha oleete omwana mughala, nsobole okuzanhangaku naye nga akuze.
Oyinza okuleeta babiri owundi yaaba wange.
Ndi kukulindira ghano kuluya ghe'nhumba yaife."
Nawumba ku'bbaluwa yange nga nhenda bbaabba agyitwale ye'maama.
Bwagya okukya enco, nga bbaluwa eziragho.