Buli muntu aidhi nga endhovu dhiri n'enhindo ndeeyi.

Aye eira einho, Endhovu yalinga n'enhindo nhimpi nga nnene.

Akayovu akato kaazaalibwa. Kayovu Kato ono yali ayenda inho okumanha.

Yali n'ekibuuzo eri buli nsolo.

Nga ayenda okumanha ebigema ku Ntwiga.

Yaabuuza ati, "Lwaki oli n'enkoto endeeyi?"

Nga ayenda okumanha ebigema ku Nkula.

"Lwaki eiyiga lyo liriku akasongovu?"

Yayenda inho okumanha ebifa ku Ngoina.

Yaabuuza ati, "Engoina dhirya ki ekyeigulo?"

Nkookooma Omugezi yaakoba ati, "Nnonereza kumwiga, oidha kubona engoina kyedhirya."

Agho Kayovu Kato yaanonereza Nkookooma.

Yasindika ebigadha yaayemerera kumbali okw'omwiga.

Yaalinga mumaadhi. Ngoina yali ali gha?

Eibaale eryali kumbali kw'omwiga lyakoba liti, "Otya ye?"

Kayovu yairamu ati, "Ndiyo. Osobola okunkoberaku engoina kyedhirya ekyeigulo?"

Eibaale lyairamu liti, "Seeta nkukobere."

Kayovu yaakutama. Eibaale kabiri lyakoba liti, "Seetera irala." Kayovu yeeyongera okukutama.

Mangu ago wu, nga Ngoina agemera nnhindo ya Kayovu mu mba.

Kayovu yayemerera ku maguluge ag'amaani yaasinziira.

Me yeeghalula, yeeghalula. Aye Ngoina tiyalekula nhindo ye.

Enhindo ya Kayovu yaadhuumuka. Yaadhuumuka.

Okutuusa Kayovu bweyagwa ere ati, "Ddu!"

Enhindo ya Kayovu eyali enhimpi agho yaduumuuka yaafuuka ndeeyi.

Ennhindo ye yali ndeeyi inho nga asobola okutoola ebibala ghaigulu kunsaga era n'olwalero.

Endhovu dhoonadhoona dhiri n'enhindo endeeyi era nga dhaamugaso.