Ka moka re tseba ga botse gore tlou e nale nko e telele.
Eupša kgalekgale, nko ya tlou e be ele e kopana ebile e nonne. Bjalo ka seeta gare ga sefahlego sa yona.
Ngwana wa tlou wa go rata go tseba kudu a tswalwa. O be a nale diputšišo ka phoofolo yengwe le yengwe.
O be a rata go tseba ka Thutlwa "goreng o nale molala o motelele?"
O be a rata go tseba ka Tshukudu. Goreng lenaka la gago le nale ntlha?
O be a rata go tseba ka Kubu. Goreng mahlo a gago e le a mahwibidu?
Gape o be a rata go tseba kudu ka ga Kwena. Naa dijo tša kwena tša dilalelo ke dife?
O seke wa butšiša putšišo ya go swana le ye? Gwa realo mmagwe, a sepela a šuntše sefahlego.
Eupša Legokobu la matlhale ka pijana lare "ntšhale morago nokeng. Moo o tlo bona gore Kwena e lalela ka eng?"
Bjale tlowana ya latela legokobu go ya nokeng.
A kgorometša matlhakanoke, a tsena gare ga ona a ema leribeng la noka. A lebelela ka gare ga meetse "naa kwena e kae?"
"Dumela" gwa realo leswika kgauswi le leriba la noka. "Dumela" gwa realo tlowana. Mohlomongwe o ka mpotša gore Kwena e lalela ka eng?
Inamela fase fase ke tla go botša. "Gwa realo leswika" bjale tlowana ya inamela fase gofihlela.
Phuthuuu! Nko ya gagwe e be e le ka gare ga legano la Kwena. Gwaaaaaa! "Kwena e tla lalela ka wena" gwa realo Legokobu.
Tlowana ya tsepelela ka maoto a yona a go tia, ya goga, ya goga, ya goga. Eupša Kwena ya se mo tlogele.
Nko ya Tlowana e ile ya taologa, ya taologa ya taologa go fihlela. Phuuuuu! Ka mokokotlo.
Kwena ka go befelwa e ile ya boela meetsing ka ge e phonnwe ke dijo tša go lalela.
Tlowana e ile ya lebelela nko ya yona, e sa kgone go bona gore e felela kae.
E be e le e telele e kgona go kga di enywa dikaleng tša godimo tša mohlare.
E kgona le go ihlapiša ka meetse ge letšatši le fiša.
Go fihla le ka letšatši le, ditlou kamoka di nale dinko tše ditelele tša goba le mohola.