Amaina gange ni nze Nabirye. Tulikulinda motoka ni maama ghange.

Ghano nhemereire muline. Maama ghange anhembera akemba. "Indha mwami motoka tobona? Tuli kulinda, Nabirye ni nze!"

Omukazi andhiraine ali kutwala enkoko dhe waka. Dhi gya ku biikira amagi alye.

Bano abasaadha bali kwira okuva kumulimo. Bamwenera. Nabawulira nga bemba, "olyo otya Nabirye, tiwewarikirira. Emotoka endha mubwengu."

Omukazi atambula mangu. Omukazi anhirira. Engaito dhe ti nhungi? Baja "Dhagyanga bwedhikona bwa atambula.

Ono omusaadha alikutunda ebyo okunwa ebinhogoga. Nendha inho ebyo okunwa ebinhogoga. Binhogoga inho ate biwoma. Obyendha?

Bona yo! Ghaliyo abakazi abalikutwala ebyeigulo waka ku mitwe gyaibwe. Ti bagezi?

Oyo omukazi enviri dhe nkole. Alikuja ku kyakala

Nze nkoye mperano. Mama ghange anta mu nsawo ye we mpumulira. Ayemba enhembo, "bambi mwami motoka, tolwawo, namaadhi alinze ku mu lyango gwaife.

Ghaliyo mukwano gwange Lwamusayi. Yena ali ku wumula. Tujakwira mangu.

Ghangulu eyo ebinhonhi biri kubuluka birayo waka. Birinho okwirayo nga bukali kuziba.

Ono omukazi alina ebirengedera ku matu. Ndhowoza abiguze olwalero mu kibuga. Wenakula ndha kwegulira ebirengedera ku matu ni maama ghange.

Maama ghange akoye mperanho. Mwembere akemba, "Bambi mwami motoka, to jakwindha, tu ku lindhirire, nze ni maama."

Lindha ku nsobola okuwulira emotoka! Yinho eindha!

Emotoka yaife embede eyekisayisayi yinho. Eidye okutwala nze ni maama ghange ewaka. Ndhi mu sanhufu inho!

Ale, balamuse!