Yaliyo bbaasi ndala yonka mu kyalo kya ba Ebeyi.

Yali mbbede nga ya bbululu. Yali eduma inho.

"Kunkyo twidha kuja mu kibuga," maama wa Ebeyi akoba. "Tuja kugula yunifoomu yo."

Ebeyi yasanhuka inho. Nga baja kutambulira mu bbaasi ya bbululu embbede. Tiyatenduka bwire obwo.

Inhina weyaidira okumusitula, Ebeyi yali amaze no okuvaala.

Ebeyi ni inhina batambula okuja bbaasi ghe eyemerera.

Bakuumirira e bbaasi ya bbululu embbede. Aye e bbaasi tiyaidha.

Abantu abandi baatuuka bbaasi gheyemerera. Bemuluguunia kulwa bbaasi okukeeregha.

"Bbaasi erigha?" babuuza.

Ebeyi yaatabulwa.

"Ti tuuje mu kibuga?" ya loghooza. "Tija kufuna yunifoomu?"

Abantu abandi ba bivaaku bairayo eka. Ebeyi yaalira.

Tiyayenda kwirayo. "Twidha ku kuuma ku okumala akaseera," inhina yaakoba.

Amangu ago, baghulira omudumo.

Baabona enfuufu mwibbanga. E bbaasi yali erikwidha!

Aye e bbaasi tiyali ya bbululu. Tiyali mbbede. yali ya kasaayi nga ntono.

Abantu tibayenda kwingira mu bbaasi eno.

"Mwingire! Mwingire!" omuvuzi akeeyana.

"Tu kereighe inho leero," ya yeta.

Ebeyi ni inhina naabasooka okwngira.

Mangu ago abantu bonabona baigira mu bbaasi ya kasaayi entono.

Ebeyi yaalengereza mu idinisa.

Yaabona abantu kamaala ku bbaasi.

Era abantu abandi baali nga bali kulumuka okweyuna e bbaasi. Aye nga bakereighe.

E bbaasi eykasaayi yali eidwire bwe du. Yainhama olwo mukibuga.

"Bbaasi embede eya bbululu erigha?" inhe Ebeyi abuuza.

"Ya yonooneike," omuvuzi ya mwiramu. "Tuli ku gikanika. Eidha kwidha alwaidho kunkyo."

Ebeyi tiyafaayo ku kya langi ya bbaasi, waire ku kyago.

Kasita eno e bbaasi yali eri kuja mu kibuga.