Wankembo yasulanga mu muti omunene kumbali kwo omwiga.Wagati mumwiga mwalimu akazinga.Ebibala kamaala ne emiti nga byakuliraku.

Wankembo yayenda okuja alye ku bibala.Yabona ekibaale ghaghati gho mwiga era yalowooza nti asobola okutuuma yagwa ku kibaale,era ni kukazinga.

Yabukira mwibbanga era yagwa kukibaale.Yairamu era okutuma yatuka ku kazinga.Yanhumirwa okurya ebibala era yeirireyo eka.kino yakikola emikuzi kamaala.

Aye Wangiona yali aviira mu mwiga ni mukaziwe! Mukaziwe yamukoba ati "mukagwa baze wange ja weyaale kukibaale.Langi yo egemagana ne eyo eyekibaale.''

Nga ghabita ennaku ntono yabona Wankembo nga aidha kukazinga.Yaghalambuka okunhina eKibaale era n'obwegendereza yeyala kukibaale era yakweka obweni bwe mumaadhi.

Wankembo bweyamaliriza okulya yali mwetegefu okwirayo.Aye ekibaale kyamubonekera nga kuluno kighanvuku okusingaku bulidho,yayogera ne ekibaale,''mukagwa wakibaale,olikumbonekera oti se okuze. Oli bukaalamu?''

Wangoina yali musiru era yalowooza nti ekibale kino kyogera.Olwekyo yailamu Wankembo ati,''Mboneka nga ndi mubbede lwakuba Wangoina omunene aneyazeku.''

Wankembo yakoba,''Mukagwa Wangoina,nkidhi nti oyenda kundya.Ndimukaire ekimala era oghanga okulya omubiri gwange.Aye ntekwa okusiibulaku abaana bange abali mumuti ogwo.''Nolwekyo Wangoina yamuvugira ku mugongogwe okutuka ku muti!

Mangu nga bakatuka,Wankembo yaghalampa omuti era yakoba''wekaza kunvugaku,mukagwa wange. Banaamukize,buti oghanga okweirirayo eka!''Aye Wangoina yamukoba,''aye wansubiiza.''

Wankembo yeeseka era yakoba ati,''Ighe oli musiru nabaki okundikiririzamu!'' era yabulira munsaga edho omuti. Okuva kwo olwo Wangoina tiyairamu kugemya Wankembo kalimagezi!