"Mma!" Lebo a goeletša. "Etla o bone. Diaparo tše ke tše nnyane go nna, ga di ntekane!"
"E re ke bone," gwa realo Mma.
"Lebelela sekhete sa ka. Ke se sennyane," Gwa realo Lebo.
"Ee, ke a dumela," gwa realo Mma. "Nomsa o tla tšea sekhete sa gago."
"Lebelela borokgo bja ka. Ke bjo bonnyane," Lebo a realo.
"Ee, ke a dumela," gwa realo Mma. "Nomsa o tla tšea borokgo bja gago."
"Lebelela sekhipa sa ka. Ke se sennyane," Lebo a realo.
"Ee, ke a dumela," gwa realo Mma. "Nomsa o tla tšea sekhipa sa gago."
"Lebelela jesi ya ka. Ke ye nnyane," Lebo a realo.
"Ee, ke a dumela," gwa realo Mma. "Nomsa o tla tšea jesi ya gago."
"Lebelela jase ya ka ya pula. Ke ye nnyane," Lebo a realo.
"Ee, ke a dumela," gwa realo Mma. "Nomsa o tla tšea jase ya gago."
"Lebelela masokisi a ka. Ke a mannyane," Lebo a realo.
"Ee, ke a dumela," gwa realo Mma. "Nomsa o tla tšea masokisi a gago."
"Lebelela dieta tša ka. Ke tše nnyane," Lebo a realo.
"Ee, ke a dumela," gwa realo Mma. "Nomsa o tla tšea dieta tša gago."
"Bjale Nomsa o na le diaparo tše ntši," gwa bolela Lebo.
"Aowa, ga ke natšo," gwa araba Nomsa. "Diaparo tše ka moka ke tše dikgolo go nna!"