"Mama," kusho uThandi. "Bheka zonke lezi zimpahla sezincane. Ngizogqokani?" "Linganisa ngibone, Thandi," kusho umama.
"Bheka isiketi siyangiqina," kusho uThandi elinganisa. "Uqinisile, sincane. Sinike uJabulile," kusho umama.
"Bheka nje leli bhulukwe, alingeni," kusho uThandi elinganisa. Uqinisile, lincane. Linike uJabulile," kusho umama."
"Bheka mama lesi sikibha, naso sincane," kusho uThandi elinganisa. "Uqinisile, naso sincane. Sinike uJabulile," kusho umama.
"Bheka mama leli jezi, nalo lincane," kusho uThandi elinganisa. "Uqinisile, lincane. Linike uJabulile nalo," kusho umama.
"Bheka ijazi lami lemvula lincane," kusho uThandi elinganisa. "Uqinisile, nalo lincane. Linike uJabulile," kusho umama.
"Bheka la masokisi ami, mancane," asho uThandi ekhononda. "Uqinisile, mancane. Anike uJabulile nawo," kusho umama emduduza.
"Bheka lezi zicathulo. Eshu, ziyangiqina!" kusho uThandi. "Uqinisile, nazo zincane. Zinike uJabulile," kusho umama.
"Unezimpahla eziningi manje, Jabulile! Zithathe zonke," kusho uThandi. "Kodwa zinkulu zonke nje lezi zimpahla!" kusho uJabulile.