Eira eino, abantu baali tibaidhi kintu kyonakyona. Baali tibaidhi kusimba mmere, oba okwoza engoye, oba okukola ebintu ebyekyuma.

Eriinha eirungi mwibbanga lyali nabulimagezi ag'ensi. Yaagakuuma bukalamu munsuwa eyeitosi.

Lunaku lulala nhami yasalagho nti yali ali n'okugha Nambumbi ensugha y'amagezi.

Buli Nambumbi yalinganga munsugha eyeitoosi, yasomangayo ekintu ekiyaaka. Kyali kisanhusa inho!

Nambumbi omuluvu yalowooza, "Ndha kukuuma ensugha bukalamu ghaigulu kumuti. Olwo ndha kusobola ogyefuga zenka!" Yalonda oluwuuzi oluwanvu, yaalusiba munsuwa eyeitosi era yaalusiba kumabunda ge.

Yainama okuniinha omuti. Aye kyali kizibu okuniinha omuti n'ensugha eri kumuleebeeta kubivu buli kiseera.

Buli kiseera mutabane wa Nambumbi omuto yali ayemeraile ghansi w'omuti nga ali kubona. Yaakoba, "Tikyandibaire kyangu okuniinha n'ensuwa nga ogisibye kumugongo?"

Nambumbi yagezaaku okusibaensuwa endidhuvu y'amagezi kumugongo gwe, era bwene kyali kyangu inho.

Mukaseera mpa bwekaaga yatuuka ghangulu kumuti. Aye yasooka yalowooza, "Nteekwa okuba nga ninze ali n'magezi goonagoona, aye buti mutabane wange abaire mugezi okunsinga!"

Nambumbiyali munhiivu inho kukino era yasuula ensuwa ghansi okuva kumuti.

Yamenhekamenheka butundutundu ghansi. Amagezi gaaba gabwereere eri buli muntu okwegabanhia.

Era batyo abantu bwebataandiika okulima, okwoza, okolaebintu ebyekyuma, nabuli kintu abantu kyebaghanga okola.