Eji Aharabata jeŋdɔlɛ gbi ko yɛ koo lɛ mli.

Tstatsu Bibioo naaa nu fe gbii babaoo nɛ.

"Miishwe nu kɔi kome, aleenɔ kɛji eetsere kɛjɛ baa ko nɔ po," Tsatsu Bibioo hao ekɛɛ.

Shi bɔ lɛ po egbi wesewese momo.

"Kɛji minaaa nu lɛ, magbo," Tsatsu Bibioo fo. "Esa akɛ maya faa ni minu he sane lɛ naa."

"Faa lɛ eyi grigri. Ebaasha bo kɛya," Opoloŋ bɔ kɔkɔ ekɛɛ.

Shi kuma miiye Tsatsu Bibioo waa diɛŋtsɛ. "Magbo, kɛji minaaa nu manu." Hewɔ lɛ, Tsatsu tee faa lɛ taomɔ.

.

Eho jwɛi kushabii kɛ gbiji ni egbigbĩĩ ahe.

Enyiɛ kɛyashi be ni enu nugbɛɛmɔ he. Faa lɛ ni! Enu faakemɔi lɛ ahe.

Tsatsu Bibioo to etsui shishi enu nu ŋanii lɛ saaŋ.

Emii shɛ ehe aahu akɛ, enaaa faake ko ni baa lɛ.

Tstasu Bibioo ka jwɛi ko ni etɛŋ faa lɛ hiɛ lɛ mlimɔmɔ. Shi faa lɛ sha lɛ kɛho jwɛi lɛ he.

"Mɔko abawami. Mɔko awami ko!" ebo ekɛɛ.

"Tuu osɔ nɔ, mramra," Okpo kɛɛ, be mli ni ehiɛ gbine ko yɛ enaabu.

.

"Mahi biɛ kɛyashi be yinɔ ni mana mada Okpo shi," Tsatsu Bibioo to eyiŋ. "Mamɛ keyashi be mli ni ebaaku esɛɛ ebanu nu.

Gbi ko be mli ni emɛɔ lɛ, gbekɛbii hii enyɔ ko ba faa lɛ naa. Amɛhiɛ aklontai.

"Okpo yɛŋ agbo ko baa biɛ daa ebanuɔ nu," gbekɛnuu kome kɛɛ. "Wɔbaahoo lɛ wɔkpe gbɛkɛnaashi nɛɛ."

.

"Minyɛɛɛ makwɛ ni gbekɛbii hii lɛ agbe Okpo," Tsatsu Bibioo susu ekɛɛ. "Shi midaaa kwraa. Mɛni po manyɛ mafee?"

Etsɛɛɛ ni Okpo filiki ejɛ tso lɛ yiteŋ koni ebanu nu.

.

Tsatsu Bibioo na ŋaa ko.

Etu edamɔ gbekɛnuu kome nane nɔ. Tsatsu Bibioo kɛ ehewalɛ fɛɛ kɔmɔ gbekɛnuu lɛ.

Gbekɛnuu lɛ tu amrɔ. "Ao!" ebo.

Okpo hɛle shi ni efiliki oyayaaya etee shwee mli.

Nɛkɛ tsɔ ni Tsatsu Bibioo da Okpo shi kɛha eyi ni ehere lɛ.