Kurram yalwanzǝ Modu Ajirin kasheru bǝla kura cidi Gajigannabe.

Kurramdǝ shi fuwura aji yakkǝbe. Shi karǝgǝ ngǝla-a ye kǝla ferǝmgata-a ye.

Kurram dabbawa sǝragǝna. Shi Ngamnzǝ-a kuwinzǝ indi-a kanyinzǝ-a bolanzǝ-aye.

Sandiro kǝmbu kǝnjo-a bisketǝgǝan, loktu ganagǝnyi bannajin.

Yim laa, Kurram faraskǝram biskebe maarantaben kwaitawanzǝga biskezaido, duliye bolaro dongur gǝpsayin ciroga, "Ngamaramro, boladǝga baksairo," kǝlanzǝga ciworo.

Burwon kwaitawanzǝsodǝ awo waajindǝ asuzanyi, shiga jashaga. "Boladǝga baktǝ kollowo shinnaro,"
Kurramye yilwono.

Duli indidǝ cagaso.

Kurramye bola indi zaufanzanadǝga sǝta. Shiye fefetonzan kungu gadegade indi ciro. Shiye bolawadǝga gozǝ fatoro sadǝ njistǝgǝro nyagono.

Shiye bolawadǝro njissǝgǝ ambazǝ. Daji kajiri amzǝ kurawaro awo kausu waazǝnadǝ hawarajiwo, kuru futu bolawadǝga sǝkkagǝnaso ye, guljiwo.

Wazǝna suwa Kurram-a amzǝ kurawa-a liitariro leza bolawadǝro daji kurwun cowudo.

Ngawo kawu ganayen kunguwanzadǝ hamgano. Kurrambe zauro karǝgǝnzǝ kǝjiwono.

Kurram sambisoro kwaitawanzǝro gulzǝyin, "Wu dabbawa raakǝna, dabbasodǝ andero faida kuru sandi sawawande. Sandiga nyiwo-a nzǝlifo-adǝ mbu wono."