Kayia ri ndra o'a ima ti'ba be ayiko si kpere eyi ni dra esu eri ma eli cha mudri.

Kayia asi mu o's Rosza vile akua. Roza ri o'a Kayia be asi ala si, te eri ndra deza, okpo koko, dika alio ru.

Kayia ni ndra mu ima ti'ba ma nyadri ne, vini chandi ini nyari ecezu eyini.

O'du alu kamu ima ti'ba ma nyadri nee, esu afa azi ala ni. Esu zukulu alatataru abi efu ima ti'ba ma nydri alia.

Zukulu nde ngo eri ni ongo onyiru tu ni. Kayia eri onduko ongo ngoopi 'da, nira kini 'da ima andri ma o'duko. Ongo nde ndra 'dini.

Kayia, ee, kayia! Ama mva lele turi! Ama mva lele turi mi ovuni adule ku! Mva lele turi mi a'I zukulu di yi Mva lele turi mi 'du zukulu 'di yi pari dria mini muzuria! Kayia mu drile zukulu e'duzu. Bi eri 'ima agatia. Indikindi, ama 'ima rua ala tu. Ama ima rua kile erini ndra ovuzu 'ima andri azini ati pie rile.

E'dozu o'du da si kayia ni zukulu 'diri 'du endi pari alu alu erini muzuria. Zukulu 'da si, Kayia eri 'i ima ti'ba eyi ma ageyia dika eyi ima tamba.

O'du alu afa azi onzi ni 'ye'i Kayia ma zukulu be. Zukulu 'da andi eri ni mu yi ebiria a'bilea. Kayia ma asi aso zukulu 'da ma e'yo si tu.

Kayia bi zukulu ma kala andipi 'dii ima dria. E'do ongo ngo:.

Ma ati azini ma andri, Emi ndre zukulu ndra emini fele Mani 'di ri andi 'I 'bo Ma andri azini ma ati, ma ma ye di ngonia? Mi ovu yiki si dika emi e'da mani kini emi nga kiri ma pie.

Kayia kamu paso orulesi 'bo, eri o'duko kile 'ima andri vurile eri ni yoria kini. Ama mva: Mi 'du zukulu ma furuni acepi ri. Imu yi pie eyi alea. Mi ebe yi yi si ra mi oji mi pa yi ani Mi ka mi pa oji de'bo, mi obi mi ma mile.

Kayia iye bani ecele idri ri le. Kamu 'I endre oru 'bo, ama zukulu ma furu te ima dria ri muria 'I eciria dika te okori le. E'du zukulu nde di eri dika. Kayia obi e'yo 'da ma vuti, zukulu ojai kile ndra okori le. Kayia ri o'du driasi zukulu 'diri 'du pari alu alu erini muzuria endi. Pari woro erini alizu ria, 'ba dria yi osu azini yi vini yi ozi yi ma eselea, "zukulu 'diri obi ngole nia?'' O'du driasi kayia ka afa azini le, eri zukulu 'diri e'da 'ba yi vele aku eselea 'di yi dri vutinia 'ba yi erini afa erini lele kile nyaka le 'di yi fe."

Zukulu 'da si Kayia ni ra ima ti'ba eyi ima tamba. Afa azi onzi ni eco I'ye dika ku.