ǀGuias ge koma ǀgôasa ge ûi hâ i, Kalabushe ti ge ǀōn hâ isa. Kaises ge gere ǃhoa. ǃNuri ǃnādes ge ǁgûsa gere ǁnās ama ǂgōǀausi, xawes ge ge ǃgâ tama hâ i.

Kalabushes di maǂkhams ge ǂgāb nau ǃana, ǁîn di ǃharos nau ǀkhōb ai ge ǁan hâ i. ǀGuitsēs ge ge ǀaesen. Khoen ge ge ǀkhai i huib ǃaroma.

Kalabushes îs ge kaise ge dīxūxaǀkhā i. Tsūxub ǃnâ is ge Kalabushesa ǃgâsasa ǂûna ge māǃgû kai.

Daob ǃnâs ge Kalabushesa Sinsonsa ge ǀhao-ū. Sinsons ge ge ǂhira ī, îa ge khoe kaisa.

Nē ǂhirakhoes ge ra dî sî tare-es tani hâsa. Os ge ǁgani, ǃupun tsî dai-î tsîn, ti ge ǃeream. Kalabushes ge ǁgûs x age mîbahe îs ta khoe-e mîba tare-es tani hâsa.

Ti maǂkhams, ǀaesen hâs ǁga ta garu-u ǂûn, ti. Os ge ǂhirasa ge tomanǂā, ǁgan es ge ǁnâuo.

Sinsons ge ai ǃhâi tsî Kalabashes maǂkhams tawa ge ǃkhoesī.

Kalabashes di maǂkhamss hara tsîs ge ǂnamdi ǃnâ ge ana ǁguisen.

Kalabushes ge ǀkhīo, os ge omsa ge ǃnōsa i. "Os ge oms ǃnâ gere ǂgai tsâ, mapas hâ?" timi.

Xawes ge ǁîs di domma ge ǁnâu tama ge ī. ǃNā-oms kōses ge ge ǂgâ maǂkhams ra ǁompa. Burugâs ge ge ǀūs a khoe-i ǁgoe kharos ǃnâ ǃkhaisas ge mûo.

"Maǂkham tare-e ǃaromadi sa ǂgaede neti a kai?" ti ra dise.

Os ge Sinsonsa ǂnamde xu ge ǃeream: "ǃGâise ta nî ǁnâu siga."

Os ge Kalabushesa ǁkhawa ra dî: "Okha, maǂkhams tare-i ǃaromadi sa mûde netikōse a kai nētsē? Os ge Sinsonsa ra ǃeream: "Gâise ta nî mû siga?" ti.

ǀAms ais ge Kalabushesa ra dî "Maǂkhams, tare-i ǃaromas sa amsa hî kai?"

Os ge Sinsonsa ge ǃeream, "Hapu si ta nîga!" ti. ǁNatimisi ǂnamsa xu uriǂoa tsîs ge Kalabushesa ge hara.

Xawes ge Kalabushesa harahes hâ hîas tsîna gere ǃnāba xu ǃhoa, ǂgui dīdi ǀkha.

ǀAms ais ge Sinsonsa ǁnatikōse tsau nē ǂgui dîdi Kalabushes didi xa tsî ge ǂaraǂui si.

Kalabushes tsî maǂkhams âs hâra hoar age ge ǁhaiǃnora. ǁNā tsēsa xus ge Kalabushesa ǀūhesa khoen ǀkha harase ge ǁgam tama i.