ǀGuia I ge koma ǁgâu-anib tsî Tusôab hâkha xa ge ǀhōguhe hâ i. Xawe kha ge hanagam hoaǁae gere ǀnûgu. O kha ge ǀguitsē ge mîǀgui ǂaiǃaisa kha nî ǀhurusa, î kha mû mâb a ǁîkha xa ǂoaǂamsa ǀhuru-aosa.

O kha gege ǂgāb ǁga dāǁnâ tsî ge ǃâigu tsoatsoas. ǁGâu-anib ge ǃgari I, xaweb ge Tusôaba ǁîb x age aiǃâ ǃgari i. ǁGâu-anib ge amase ǃnūse ge re ǂnā, xaweb ge Tusôaba ǁîb xa ǃnūrose ge re ǂnā. ǃNubaib ge ǁGâu-aniba ǃnûib ti ge ǁaixa.

Nē soab ai kha ge go mîǀgui ǃhubai ǂnûi tsî ra ǀguiǀguipese ǂnāhe bols ǀkha kha nî ǃâiguse. Aipeb ge Tusôaba ge ǂguro ǃkhō-ao I, ǁnās khaoǃgâb ge ǁGâu-aniba ge ǃēsa hō, mâǃoas disa.

Tusôab ge bolsa ǂnā tsî ǁnātimîsi ge ǂnāǂgā. Tusôab ge, kara-ga-kara bi tsî ge ǂnāǂgā. Tusôab ge bolsa danas ai ǂnûi, tsî ǁkhawa ge ǂnāǂgā. Tusôab ge koro bolde ge ǂnāǂgā.

ǁGâu-anib ge ǁnatikōse ǁaixa tsî ge ǂnubi-am ǂoaǃnâb go ǃkhais ǃaroma. ǁîb ge amase kaise ǂkhawusa ǂoaǃnâ-ao ge i. Ob ge Tusôab ge âiǂuibi, gawaxaseb gere ǁîba ǁgowo xui-ao.

ǁGoas ai ǀguib ge nē aniba ǁaixa ǃnāsen tsî ammi âb hārase khoba tsî Tusôaba hāra.

Ganubeb ǁaru garu hîab ge nē aniba ǁnāb goro hāra Tusôab di ǁgûsa ge dākhâi. Os ge nē ǁgûsa ge dî bi, "Ti ôarobats kha isi mûba te tama hâ?" timi. Ob ge aniba ǃnōb ǀkha ge ǃeream. Nēs ǂamas ge ǁgûsa kaise gere ǂâiǂhansen.

Tsî ǁnatis garu hîas ge ǀui, ǁgā domro-e ge ǁnâu "Hui te re, ti mamaseǃ" timî. Os ge hoaǀkhā kō tsî ǂorisase gere ǃgâ. Nē domrob ge hanagam nē anib di ǃnāba xu gere khom.

Os ge nē ǁgûsa ǀgauasam rase ge ǃgau, "Sa ǀō-aisa ǀgaiba sîsenū, ti ôaro!" timî.

Tusôan ge ǁgaora hamma ūhâ tsî ǁkhati ǁakarase ra ǁkhoa. ǁNatimîsib ge nē aniba ǁkhoatsamase tsâ tsî ge ǀaesen.

Nē anib g era ǃgorosen, tsî domanǂâ tsî ǂara. Tsî ga tsî tsî ra ǁui. ǁKhawa ra ǁui. Nē tusôab di ǁkhoab g era ǂkhîǂnari kai bi.

Nē ǀkhomǀkhomsa anib ge ǁui hana, ǁui hana tsî ge ǂkham tusôaroba ge ǀkhûiǂui.

O ra ge ǁî-ôagura ǂgōxub ǃaob xa hais ai ǂoa tsî ge gaugausen.

ǁNātsēsa xus ge koma anin tsî tusôan tsîn a khākhoebagusa.