Keeper noshikunino shaye
Nina Orange
Magriet Brink
Oshikwanyama

Okahokololo aka otaka tangumuna Keeper, noshikunino shaye shounamwenyo voufiye.

1

Keeper novanailonga vaye moshikunino ovali ve yadi oilonga muAguste.

2

Mkite, ou okwali ena omudo umwe, oye e uya po tete. Okwa etwa po kotuwa itwima omafo.

3

Keeper novanailonga vaye okwali ve mweetela onghenda unene. Mkite okwali a utama yee ina ndjanga nawa.

4

Konima yomafiku, Mkite okwa hovela oku ndjanga. Ta hovele nokuli oku danauka nounamwenyo vakwao.

5

Efiku limwe vali muAguste ngoo omo, poshikunino ope uya edakadaka.

6

Keeper novanailonga vaye ova tondokela pondje ve ke li shakeneke. Ova hanga mo okandjabwena ka tuvikilwa nekumbafa.

7

Edina lako oNdiwa. Okwali ashike e na omafiku atano. Keeper okwa dungila Ndiwa omashini mendami ndee te mu pe.

8

Okanamwenyo aka ke uya okatitatu momwedi omo oMalea, okamhandona. Okwa etwapo kembakumbaku litilyana. Okwali e na eemwedi hamano.

9

Malea voo nokatana Enkare ova ninga ookaume vo pofingo. Ihave li fiye po keshe apa tava i.

10

Ambia okwa fika efiku limwe konguloshi manga ounamwenyo aveshe vali va kofa.

11

Ambia okwali ena eemwedi nhano. Okwali a loloka unene shaashi okwa dja mondjila ile.

12

Shaashi Ambia okwa li e na ofingo ile, Keeper okwa londa nendami komuti opo Ambia a dule okunwa omashini.

13

Mokati kaAguste opa etwa oukwanambwiyu, Abei naMoit. Okwali ashike opo va dalwa, voo ovali tava ehema unene.

14

Opa pita ashike oshivike, yee Abei okwa fya. Keshe umwe okwali e udite oluhodi. Ashike Keeper novanailonga vaye ova pondola oku xupifa Moit.

15

Outotongwe Kopi, Kepi naKeji ovo va etwa po xuuninwa. Okwali ashike ve na oivike ivali. Ova fika ve udite ondjala unene!

16

Keeper novanailonga vaye ove hole ounamwenyo aveshe, naava ngoo va fifiti.

17

Ou kwali e dule vakwao moufifiti oLobolia. Lobolia okwali e hole oku holeka po omakende aKeeper okomesho.

18

Keeper novanailonga vaye ohava longo nelitulemo oku fila ounamwenyo oshisho.

Ova hala ounamwenyo va kule opo va ka dule oku linyangela eshi tava ka shuna momifitu omu va dile.

19

Leshulula okahokololo ndele to nyamukula omapulo aa.
1. Moshikunino omwa etwa ounamwenyo vangapi muAguste?
2. Olye e ya mo tete?
3. Oku na eedula ngapi?
4. Olye e ya mo xuuninwa? Oku na eedula ngapi?
5. Pounamwenyo aveshe ava ve ya moshokunino muAguste, velipi va nini kuvakwao aveshe?
6. Ove na eedula ngapi?
7. Olye kwali a kula pounamwenyo aveshe ava veya muAguste?

20
You are free to download, copy, translate or adapt this story and use the illustrations as long as you attribute in the following way:
Keeper noshikunino shaye
Author - Nina Orange
Translation - Nelly Ndafyaalako
Illustration - Magriet Brink
Language - Oshikwanyama
Level - Longer paragraphs
© African Storybook Initiative 2015
Creative Commons: Attribution 4.0
Source www.africanstorybook.org
Original source