Musialo sisi ili khu lokoko lwe mount Kenya khu hwigata kwe kamanambo ka East Africa, umwana umuhana aramba tsaka ni mawe munimiro. Lisina yo umwana umukhana alangibwa Wangari.

Wangari akanatsa nabi khuba ibulafu. Mulusukhu wabwe arambise iranga khulima. khulima lilowo lisi irami imitso infiti.

Imbuka idai yabatsaka nga nyaga itsya khukwa. Nga anze bwelabule,Wangari amanya ari imbukha ye khulota ingo yo lire. atsa arambisa khayila khamukobosayo ingo wabwe, khakha mbuha tsizizi.

Wangari abe umwana umukhesi nga sanyala khulinda imbuka eye khutsya khwitsomero yola ta. Maayi ni papa ba wangari bakana Wangari arame ingo khubayeta kimilimo kye ango. Nga wolesere kimiko musanvu, wadaye umuhulu asaba basali bufukirise Wangari atsye khusoma.

Akana khusoma! era Wangari aika asoma bikali buli sitabu syesi asoma. Asoma bulayi nabi bamuwa ikhabi iye khutsya asomere mu America. Wangari asanyuha nabi! akhana nabi nabi khumanya khubiyamba khusibala.

Iyo mu American University,Wangari eyika bikali nabi nabi. Eyika bilimwa ni ngeri isibitsowamu. Wakhebulira ngeri isi atsowa mu; nga enyaa kiminyawo ni bawandaye bewe musisale sye Kenya

Buli iselosera khusoma, elosera khukana ba bandu be Kenya. Akana ba bandu be Kenya khuba basanyufu ni lukosi. Buli iselosera khusoma, elosera khuhebulira ingo wabwe mu Africa.

Nga wamalire khusoma, akobolayo e kenya. Linambo lyewe nga lyayusibwa. Nga kamatala ketsikhafu kailosera lukali nabi. Bakerema nga sibasiri ni tsihu ta. Babandu nga bali batambi nga babana bali ninzala.

Wangari abe wamanya syekhuhla. Alekera bakelema khu byala bisala. Bakelema bakulisa bisala banyalisa khuyeta mungo mwabe. Bakelema basanyuha nabi nabi. Wandawa abayeta khuhwilosera mu byefuna byawe.

Imbuka nga yolire, Kimisala kyelosera khutsowa, tsizizi tselosera whu tsowa. Bubakha bwa wagari bwelosera mu Africa yosi. Syalero,byikana ni byikana
bye bisala byamile mumitso ya Wangara.

Wangari aramba nabi. Babandu musibala syosi batandiha khumanya sisi Wangari ahola bamuwa sirabo sye khubyala bisaala. Sirabo sye khubyala bisala silangibwa Nobel Peace Prize,atte niye Wangari niyohusohele khufuna silabo mwa Africa yosi khufuna silabo sifana siryo.

Wangari affa kumwiko 2011, naye nga Wangari asihebulirwa buli lwesi khubona sisala similiyu.