Kayanga ekalile na asyai make nginya metwa emĩaka ĩkũmi.

Kĩveti kĩmwe kya mũkonyo woo kyetawa Losa nĩkyamwosie kyathi kwĩkala nake mũsyĩ kwakyo. Losa aĩngya na mũkũũ ĩndĩ aĩmũthingu.

Kayanga mavinda maingĩ nĩwendaa tũvulĩnĩ twa asyai make kũmatavya mathĩna make.

Mũthenya ũmwe ĩla Kayanga wendie kwona tũvulĩ nĩwanengiwe mũthĩnzĩo mũseo wa kĩkuu kya mwanya Kyaumĩlile tũvulĩnĩ twa asyai make.

Kĩkuu kĩu nĩkyanie wathi mũseo na wa ũkiakĩsyo. Kayanga nĩwamanyie kana wasya ũsu nĩwa inyaake. Wathi ũsu wendaa ta ũũ.

Kayanga, ee, Kayanga! Mwanawitu nĩtwakwendete! Ndwĩweka mwendwa! Osa kĩkuu kĩĩ mwendwa! Kĩkuae kĩla vandũ mwendwa! Kakĩkũkiakĩsye mwendwa!

Kayanga akuaa kĩkuu kĩu kĩla vandu vonthe wendaa. Nũndũ wa kĩkuu kĩũ Kayanga nĩwew'aa eũsũvĩonĩ wa asyai make.

Mũthenya ũmwe kĩndũ kĩthũku nĩkyekĩkie. Kĩkuu kyake nĩkyatũkanie ĩla wendie kũutĩa kĩw'ũ ũsĩnĩ. Kayanga nĩwew'ie ngoo yake onayo nyatũka.

Kayanga nĩwakwatie ilungu sya kĩkuu kĩkuu mokonĩ make manini na aina:.

Nau na mwaitũ Onai kĩkuu nĩkyakw'a Kĩkuu kĩla mwanengie. Nĩkaata, nau na mwaitũ? Ĩthĩwai athingu namwĩmbony'a kyama Kana mwĩovamwe nakwa.

Kayanga nĩwew'ie wasya wainya ũkĩmwĩa: Mwanawitũ, Osany'a ilungu isu syatiwa. Tava kĩw'ũ nasyo nawĩthamba maaũ. Wamina kũthamba vinga metho maku. Kayanga nĩwekie ũndũ wataviwe na kwa mĩtũkĩ ilungu isu nĩsyetungĩanĩe syasovya kĩkuu kĩima ĩngĩ.

Kayanga nĩwaendee kũkua kĩkuu kĩu kĩla vandũ waendaa. Kĩla vandũ vonthe wesĩlaa andũ nĩmaseng'aa na kũmũkũlya kĩkuu kĩu nĩkyamũthemba mwaũ nũndũ mayaona kĩngĩ ta kĩu ĩngĩ. Kĩkuu kĩu kyake nĩkyamũnengae kĩla ũkwenda.

Akwĩkala na kĩkuu kĩu kya mwanya Kayanga nĩwesĩ kana asyai make nĩmamũsũvĩaa na vaĩ kĩndũ kĩthũku kĩtonya kwĩkĩka.