Hano oka hokololo komutonateli noshowo okapangelo kuunamwenyo mboka wuuthigwa.

Auguste ogwali omwedhi gwelipya kidhilo komutonateli opamwe naatonateli oyaa kwao pokapangelo.

Mkite gwo mvula imwe, okwa thiki tango. Okwe ya nOkaloli okazizi kakulupa.

Omutonateli opamwe naatonateli ooya kwawo, oyali yetelako ohenda Mkite. Okwali ananga ye okwa yemata.

Ihe konima yokathimbo Mkite okwaningi oonkondo, okwa tameke ta dhana nuunamwenyo uukwawo pokapangelo.

Esiku limwe mwa Auguste, edhagadhaga olya nambele poka pangelo kuunamwenyo.

Omutonateli opamwe naatonateli oya kwawo oya matukile pondje. Medhagadhaga omwa li okandjamba okashona kasikilwa nekumbatha.

Okwali oNdina, Okwali ena oomvula ntano. Omutonateli okwa pe Ndina alye tepe nendami.

Othigwa ontitatu omwedhi goka okwa li Malea. Okwa li etwapo pokapangelo kembakumbaku etiligane. Okwa li ena oomwedhi hamano.

Malea okwa li ompanda no kwaningi kuume kopothingo kaEnkare Ongalangobe. Oyali hayende pamwe keshe mpoka taa yi.

Uusiku wumwe kehe gumwe okwa li apenduka sho Ambia eyapo.

Ambia okwali ena oomwedhi ntano. Okwa li tamonika ke na oonkondo omolwo ondjila onde.

Omolwaa othingo ya Ambia ndjoka yali onde, omutonateli okwa yelutha endami pombanda opo ape Ambia iikulya.

Uukwanambwiyu mbuka Abei na Moit oya thikile mokati Komwedhi gwaAuguste. Uuantelopes mbuka owa li owala wuna oowili ooshona, no kwa li tau ehama.

Nakehe gumwe okwa li uuvu nayi sho Abei amana oondjenda. Konima ashike yoshiwike sho athikile pokapangelo. Nando ongaaka Omutonateli opwa mwe naatonateli ooyakwawo oya hupitha Moit.

Oothigwa dha hugunina oku thika momwedhi Auguste oyo Kopi, Kepi na Keji. Uunamwenyo mbuka ohauli onyama owa li wuna oomvula dhiiwike iyali. Owa li wa sa ndjala noonkondo sho wa thiki mpoka pangelo.

Omutonateli opamwe naatonateli ye oyehole iinamwenyo, mwakwatelwa naambyoka yuuluma.

Okanamwenyo hoka kwa li kuuluma unene oko Lobolia. Lobolia okwa li ehole oku holekapo omakende go komeho gomutonateli.

Aantu mboka yopokapangelo ohaya longo nuudhinginini, mokutonatela uunamwenyo mboka uushona. No yiinekela esiku limwe lyomo masiku gamwe otau kiikwathela wowene. Nota wuvulu ihe okushuna mokuti.

Oomvula ngapi no dhili ngapi? Leshulula mokahokolo ndee toya mukula omapulo ngaka taga landula.
1. Iinamwenyo ingapi ya thiki pokapangelo momwedhi gwaAguste?
2. Olye ngoka athiki tango momwedhi ogo tuungoka?
3. Iinamwenyo mbyoka oyali yina oomvula ngapi?
4. Olye ngoka athiki po lwashugunina?
5. Iinamwenyo yinipo mbyoka iishona yathiki po momwedhi gwaAguste?
6. Oyali yena oomvula ngapi?
7. Oshinamwenyo shi ni po, shoka sha li oshikuluntu sha thiki momwedhi Auguste?