Nor-Tar man Nor-Mnger lu ahina. Iyange igen tso, Shawon va ve nya.
Shawon kaa er, "Hanmo or nana tsua kwagh mon." A na ve ashe-pirin man imande.
Nor-Mnger hen er un lu tsev-tsev. Fese je Nor-Mnger man too imande undu Nor-Tar ashe-pirin. Nor-Tar pir ashe ngoor ga.
Imande na Nor-Mnger Shima-nyion. Nor-Tar zua a Shima-wan hen Ashe-pirin. Nor-Mnger bume kpishi. Soo angbian ga.
Nor-Tar gema zua a hur-or hen Agagbo. Agagbo wasen wen u ningir sha, Agagbo eren idyu vea na. Shi wasen Nor-Tar num kpaa.
Er Nor-Mnger kera lu a ahor-ngahar man ahor-avee ga yo, hingir u wen kpa keren iwasen hen angbian. Nor-Tar lu a kwaghfan.
A na ve kwaghyan yo, Nor-Tar a nenge a min. Kpaa saa Nor-Mnger a choon, a vingir akev, a penda un sha akev-aveegh.
Iyange gen yo, Toho, ngo ve na ve abember a iyoo aa achivin. Er ijen kor ve tsung yo, Nor-Mnger fatyo u wan shima ga. Ve gba min yan fele-fe-fele je.
Nor-Mnger zua agbom-aveegh man kegh er ka gbande nahan. Akaa a Nor-Tar er, "Pendam ki yagh heen."
Iyough kila tsee kpishi. Ki hia ve ken akev-aveegh. Nor-Tar a peregh a ki nagh keen, a hide a min keen. Nor-Mnger di, a ker ki sha, akegh ave ki va gba shami shi a ker sha.
A ican-yan nan cii kpaa, ki gba nya. Ishima vihi un kpishi.
Nor-Mnger zamber ango na er, "Wasem, toom iyough kin."
Nor-Tar kaa er, "Ufa er mnengen ga yo."
"Va wegh m teseu."
Nor-Tar too iyough kila fehe humbe sha min. A ovur inya sha doo doo, gema wa angbian na Nor-Mnger sha we.
Aikie yo, ngo ve shi kume ruam na ve. Toho wa achi a nyam a nyiin, achi ahar sha chi u hanmo or. Nor-Tar gborugh ave fese or achi a nyam la fa iyenge zum u lu chivin iyue yo.
Nor-Mnger nongo er una ii chi nyam. A za agbom-aveegh imbishi imom. Dugh a min yo, I gba. Nor-Tar pine er, "Achi ne alu a nyiin ga zee?" Nor-Mnger er aie, "Alu atar."
"Alu anyiin," Nor-Mnger norom. "U pir ashe ga zee? Er nan u fe?"
Sev hungwa av yo, Toho yem zende. Ijen kor ve kpishi. Tso Nor-Mnger er mhen u wuan Nor-Tar.
"Due se za tungu-iyol shin ifi," a gba meen un. A fa dedoo er Nor-Tar fa mngerem ga yo. Nor-Mnger kpa mough vea Agagbo je ve dondo sha na.
Nor-Mnger tile sha gbenda, nyor ken ikyo yuwa zege iwen. A gba kinen inja er a too ikyav mbi yuhwan nahan.
Nor-Tar pine Agagbo er, "Ka nyi angom a kinen yumu?" Kpa ve dondo sha a na er lu kinen memen ga nahan kpaa.
Mba nyer shin kpe ifi yo, Nor-Mnger kaa er un a vande guusu.
Sha er zum u Nor-tar una guusu yo man una tese un uwe-oon. Nor-Mnger ta ibaregh man kende iwen sha tuwha I shin mnger ting! Agagbo kaa er, iov la yina sha indi I Nor-Mnger.
Nor-Tar man jingir Agagbo sha agee. Agagbo gbidye Nor-Mnger kpang!
Nor-Mnger ngor er, "Ayei!" A tsue a gba shin mnger man hingir nyam-mnger. Agagbo shi gema Nor-Tar nyam I sha tar. A gema iyol na hingir soho-nor.