Kuwaya yazaalibwa nga mutulu. Nga amaisoge tigabonanga kubazaire be, nibagandhabe naire baninha be.

Yaabamanha nga amaze kubagemaku mumaiso.

Lulala, Kuwaya yali atambulatambulaku mu nnimiro, atenga yeegombanga akaghoogho ke ebimuli.

Nga era yeegomba nookubigemaku kungulu
okughegheera.

Kuwaya yaaloghoozanga ati agya kubona kubimuli kabiri omulundi mulala gwonka.

"Nga byegombesa," yeeyogeza yenka.

Buli lunaku, Kuwaya yajanga mu nnimiro.

Yali yagemya olugye ghabitira.

Kuluno, yasitula omutwe ghaigulumu ibanga.

Aba yakagya, yaaghulila eigulu nga libwatuka
noolukuba.

"Ndina kwirayo mangu munhumba," Kuwaya
yaadhuubamuku.

Amaadhi gaatandhiikirawo okutoonha.

Kuwaya yaatyeereka, yaagwa. Era yaatuudha omutweku ibaale.

Kuwaya bwe yaira engulu, nga abantu bamwetooloire.

"Ki ekyabairegho?" yaabuuza.

"Wagwire omutwegwo gwayatika," bbaabba we
neeyakoba.

"Weebaze kibbumba kuba oli miraala," maama weyeena yaamukoba.

"Bbaabba, maama?" Kuwaya yaabuuza. Yaayeta naamainha gabagandhabe ni baninha. "Bambi, munfunireyoku kukimuli."

Buli mulala yeeghuunya!

Muganda we yaira ne ekimuli. Kuwaya yaakigema neighooyo. "Kyegombesa inho," bwe yakoba.

Abomumaka gaibwe belingaganaku. "Kuwaya, osobola okubona ekimuli?" mama ghe yabuuza.

Kuwaya yazaanhisa ekimuli mungalo dhe. "Wenaweena oli mulungi, era nga ekimuli kino," yaamwenhamu.