Luno lugero lwa Mukuuza ne eikuumiro lye e lyebisolo.

Nabirime gwali mwezi muzibu.

Mukuza ni baine mu ikuumiro baagweghuliramu.

Mukoli owo omwana omulala ne eyasooka okutuuka.

Yaidhira mu kiloore kikairekaire nga kya kilagaala.

Mukuza na abayambi be baasasira Mukoli.

Yali muniavu ate munaku.

Ate tiyalwa, Mukoli yaafuna amaani.

Yaatandiika okwedhaga ne ebisolo ebindi mu ikuumiro.

Olunaku olundi mu Nabirime, walugungu yagwa ku ikuumiro.

Mukuza na abayambi be baalumukira kuluya.

Mu walugungu mwalimu akayovu akabwike mu ibulangiti.

Ni ka Ndiwa. Yali bwa nnaku itaanu.

Mukuza yakuliza Ndiwa ku nthupa.

Omughere mulekwa owokusatu omwezi ogwo yali Malewa.

Yatuuka ku ikuumiro mu kalakita myuufu. Yali myezi mukaaga egy'obukulu.

Malewa oweliino ilala tiyala yafuuka wa mukwano ni Nkaire, Wambogo omuto.

Baajanga buli ghantu batyo bombi.

Bwire bulala, buli muntu yasitulwa mu ndhoolo mu kwidha kwa Ambayo.

Ambayo yali bwa myezi etaanu.

Yali munafu oluvainhuma lwo olugendo olughanvu einho.

Olw'olukoto lwe olughanvuyiriri, Mukuza yaagema enthupa ghaigulu okunhweesa Ambayo.

Otulongo Abeli ni Muto bwaidha ghagati gha Nabirime.

Buno obutulege bwali bwakazaalibwa. Bwali bulwaire inho.

Buli muntu yali munakughavu inho Abeli bwe yafa mu wiiki ndala nga yakaleetebwa mu ikuumiro.

Aye Mukuza na abayambi be baaghonia Muto.

Bamulekwa abaasembayo okutuuka mu Nabirime niba Kopi, Kepi ni Keji.

Buno obusolo bwali bwa wiiki ibiri. Bwali ndhala ghe bwatuukira.

Mukuza na abamuyambaku bonaboona benda ebisolo, neebidhagudhagu.

Omwana asinga budhagudhagu yali ni Lubongoya.

Lubongoya yayendanga inho okugisa gaalubindi dha Mukuza.

Abantu ku ikuumiro bakola bwekubirire okulabirira ebisolo ebito mu ikuumiro.

Badhuuba bati lulala ebisolo bino ebito biidha kwelabirira. Meeni byairayo mu bubira.

Bukulu ki era bimeka? Soma olugero kabiri memale wegeze mu bigezeso bino. 1. Bisolo bimeka ebyaidha mu ikuumiro omwezi gwa Nabirime? 2. Ani eyasooka okutuuka omwezi ogwo? 3. Ekisolo kino kyali bukulu ki? 4. Ani eyasemba okutuuka? 5. Busolo ki obwasinga okuba obuto mu bisolo ebyatuuka mu Nabirime? 6. Bwali bukulu ki? 7. Ani eyali asinga bukulu.