Nnanarɩ, asna n'ʊce ba jɩ gʊsoro kʊ páá. Ʊshilé ɖǝn na ba na kamakama na lɔɔrɩ.

Bagʊkamakama kʊboŋu nɩ na alɔɔrɩbʊrja a na lǝ pɩ wàà, ba sǝ̂la ɩlɔɔrɩtanɩ. Na nnanarɩ n sǝla kɩja.

Asna a sǝla nɖee ɩ wu gǝŋ ma, aɖʊwaa k'a wʊɖa cenjɩ ɖeiɖei na.

Asaa wàà, alɔɔrɩbʊrja ɖe a tɩ yɛɛ a shêe asna acenjɩ, ʊce a cu k'a sǝla akoɖǝn na.

Alɔɔrɩbʊrja a cam ʊnyana atɔɔ ʊnyɩŋca, naa abǝla asna acenjɩ kʊsheu.

Ɩ pala ka n'ʊrɔŋ asna a ta ŋǝ̂ lɔɔrɩ ɖǝn a kpa ayiɖe n'abʊrka a ɖa ncǝn, aɖe tɩ taba nɩ acenjɩ.

Ʊce a ta rǝ̂ŋǝ lɔɔrɩ agako, agɩfolu gɩɖe gɩ tɩ tǝɖǝ nɩ, ba pàá tɩ ri nɩ a sǝ̂la ʊɖa na ma laŋ.

Ama ɩ ta sâa na nnanarɩ nnɩ, n na tɔɔ tam na naa aye ɖe ʊnyɩŋca, aɖʊwaa n yɔ wàà, n sǝla kʊɖa aɖur.