Ka moka ga rena re ile ra ya ya kua mekhukhwaneng ya borekelo kua Dasar.

Tate o ile a rekela Chintu dipaketsana tša mabonwa. Mma a nthekela kepisi ya go taga ya mmala wa botala lerata. Gomme ngwana a hwetša le lekere le monate.

Mo tseleng ge re boela gae, go ile gwa tšutla moya woo maatla. O ile wa fofetša kepisi kua kgole.

Kepisi e ile ya swarega godimo ga lekala la mohlare wa morula.

Ke ile ka lla ga bohloko. Ga sa ka ja le dijo tša matena ka letšatši leo.

Nkgapelanyana bošegong bjoo, go ile gwa tšwelela ngwedi. E ile ya lebelela kepisi ya ka godimo ga mohlare wa morula.

E ile ya rwala kepisi ya ka. Ngwedi e ile ya myemyela ka lethabo. Le nna ka swanelwa ke go myemyela.

Ka letšatši le le latelago ge ke boa sekolong, mma o ile a mpha kepisi e mphša e tagilego e khibidu. "E rometšwe ke ngwedi" gwa realo mma.

Bošegong bjoo, nna le ngwedi re ile ra rwala dikepisi tša rena, gomme ra myemyela. Re be re thabile.

A o gopola gore letšatši le hloka kepisi na?

Akanya gore e ka ba ke apere efe kepisi lehono!