Bvə́y si yii dzə́ e věr ntèʼ, a yì dzə̀ kwaʼda fo ŋkà se laʼ.
Màmé yóŋ jii, Elli, vèr kér fómo wò ji a sì á viyá ntuùfú.
Vèr à màmé wom, à fər və, nèn a shiy mótù.
M dzə́ʼə́m e màmé kibìy, e nèn a buuné buunén.
Vèr mèé e way, m yén elíkovtà wùmòʼ a wù boŋkìrì, kiʼ blù.
Kibàn kímóʼ kí-iì kér afrur. M nèn dzə́r jii, "Víne dzə̀ vinée?"
Wù yòŋ jii, "Apə̀r." M lón jii, "Kíi wò, yún kimòʼón e fò mo."
M nèn màʼtì kiwó ke màmé, e nèn kù a kuumé a dzə̀ ápər wom.
M màysì kfə̀r ápə̀r, e yèn a m sì vèr mòʼón, nèn kèʼ a dzə̀ tóŋ.
Wiíy wùmòʼ lí mo, e dù sho fo wón ámóʼó-oò dzəə̀n.
M nèn siì tòŋ tóŋén. Mò-oò kwaʼtì jii, a yii fiìnè a wón é way.
Wìr wùmòʼ wiy e dzə̀r jii, "Elli bèé?" M laáy fo wù yén mo.
M nèn yù a màmé wom jaŋ mo jii, "Elli-ií." Wúné bóŋ mo féyì.
Fər màmé fəə́r elíkovtà, a wù boŋkìrì, e yòŋ jii, "Si wo bèn."