Ekadeni, kwakunendoda ekhabe inenceba elikhulu emlenzeni wayo.

Khabe ingakwazi ukujama nofana ukukhamba. Indoda le beyihlala emakhaya nokosikazi wayo nabantwana.

Umndeni lo bewunamadodana amathathu nendodakazi eyodwa.

Ibizo lendodakazi bekunguNangila. Umsebenzi wakhe bekukunakelela uyise. Amadodana bewasebenza emasimini adlise nefuyo.

UNangila bekumntazana omuhle. Boke abantu bendaweni bebamthanda begodu bamhlonipha.

Ababelethi bakhe bebafunela uNangila indoda elungileko. Babeka umbandela obidisi ukuze bamtholele indoda emlungeleko.

Nanyana ngubani ofuna ukutjhada uNangila kuzokudingeka kobana athole ikhambi elitsheni eliseduze nendawo.

Ikhambi leli belizokupholisa inceba lakayise. Kodwana elitsheni bekuzele imimoya emimbi.

Amadoda amanengi alinga ukuthola ikhambi kodwana abhalelwa ukubuya nalo.

Amanye amadoda azange asabuyela emakhaya.

UNangila bekatshwenyekile. Ngitjho nabafowabo bebangakwazi ukuya elitsheni. Wathatha isiqunto sokuziyela yena ukuyokukha ikhambi lelo.

Unina wathi, "Ndodakazi yami, njengombana kuhluleke amadoda anamandla kangaka, alo wena uzakuphumelela?" Kodwana uNangila besele athethe isiqunto.

Endleleni eya elitsheni, uNangila wahlangana nesilukazi esithwele iinkuni. Wathwalisa isilukazi iinkuni.

Isilukazi sakuthabela lokho. Sathi kuNangila, "Ngizokutjela bona ufinyelele bunjani elitsheni elinemimoya emimbi nokuthi wenze ini newufika lapha."

Lokha nakafika egwini lelitsha, uNangila wabona umndeni wemimoya emimbi isela begodu igida.

Walinda bewabukela. Omunye nomunye umoya omumbi waphathwa buthongo walala.

Lokha yoke imimoya seyilele, uNangilla weqela ngelitsheni. Walithola ikhambi walifaka ngesikhwameni sakhe.

Waduda wabuyela ehlabathini, amagagasi amakhulu bewamzungezile.

Lokha uNangila nakafika eligwini imimoya besele ivukile. Kodwana wavuma ingoma ayifundiswa silukazi:

"Mina, indodakazi yakaWekesa ngibuya elitsheni. Ngibuya khona ngombana amadoda ayasaba ukuza. Ubaba wami udinga ikhambi leli ukuze aphile. Yingakho nje ngilapha, ezweni lapho abanengi basaba ukufinyelela khona, ngombana wena umbusi."

Iphimbo lakaNangila belimnandi khulu ngalendlela eyenza imimoya imbawe kobana avume njalo.

Ukuvuma kwakhe kwenza imimoya iphathwe buthongo godu. Ngalesi isikhathi uNangila weqa msinyana khulu wabuyela emzini.

Woke umuntu bekalindele ukubuya kukaNangila.

Ngemva kokulapha isilonda sakhe ngekhambi, uyise wabuye wakghona ukukhamba. Boke abantu bagida bakwakwazela uNangila.