UKalabutjhe okhulumela futhi
Gaspah Juma
Jesse Breytenbach
isiNdebele

Ekadeni kwakunomntazana, ibizo lakhe kwakunguKalabutjhe.

UKalabutjhe kwakumntazana othanda ukukhuluma. Unina kaKalabutjhe wamyelelisa bona angakhulumeli futhi, kodwana uKalabutjhe azange alalele.

1

Ngelinye ilanga, ukghariyakhe wagula. Bekahlala ngaphetjheya komrhoba ongehla kwendawo ehlala uKalabutjhe.

2

Unina kaKalabutjhe bakamatasatasa mhlokho. Kwasele kusebusuku lokha nakanikela uKalabutjhe ukudla bona akusele ukghariyakhe.

3

Endleleni wahlangana noSinson, ipisi ekhabe iziphendule umuntu.

4

USinson wabuza bona uphethe ini.

UKalabutjhe waphendula, "Inyama, amaqanda nebisi." Unina bekamyelelisile bona angatjho bonyana uphethe ini.

5

UKalabutjhe bewatjela uSinson bona ukghariyakhe uyagula nokuthi kungebanga lelo amsela ukudla.

USinson wathoma waginya amathe lokha nakacabanga ngenyama ebeyiphethwe nguKalabutjhe.

6

Wagijimela ngaphambili kukaKalabutjhe waya kwakghariyakhe.

7

Waginya ukghariyakhe wabese uzigubuzesa ngengubo yakhe.

8

Lokha uKalabutjhe nakafikako bekuthulile ngendlini.

Wangena ngendlini warhuwelela, "Kghari,ukuphi?"

9

Lokha nakangezwa ilizwi laka kghariyakhe, uKalabutjhe wangena ngekamerweni lapho kulala khona ukghariyakhe.

Wamangala lokha nakathola kunomuntu ozigubuzese ngengubo.

10

"Kghari kubayini namhlanje iindlebe zakho zizikulu kangaka?" kubuza uKalabutjhe.

USinson waphendula agubuzele ngengubo, "Kobana ngizokwazi ukukuzwa kuhle."

11

UKalabutjhe wabuza godu, "Kghari, kubayini amehlo wakho amakhulu kangaka namhlanje?"

USinson uyaphendula, "Kobana ngikubone kuhle."

12

UKalabutjhe ubuza kokugcina, "Kghari kuba yini umlomo wakho umkhulu kangaka namhlanje?"

USinson waphendula, "Kobana ngikwazi ukukuginya." USinson weqa embhedeni waginya uKalabutjhe.

13

Ngombana uKalabutjhe bekakhulumela futhi waragela phambili nokukhuluma nanyana asele angaphakathi ngemathunjini kaSinson. Wabuza imibuzo eminengi.

14

Ekugcineni, uSinson wadinwa mibuzo eminengi kaKalabutjhe wathatha isiqunto sokumkhafula.

15

UKalabutjhe nokghari yakhe basindiswa babantu bemzini.

Ukusukela mhlokho, uKalabutjhe azange aphinde akhulumele futhi ebantwini angabaziko.

16
You are free to download, copy, translate or adapt this story and use the illustrations as long as you attribute in the following way:
UKalabutjhe okhulumela futhi
Author - Gaspah Juma
Translation - Phephelaphi Mnguni, Sponono Mahlangu
Illustration - Jesse Breytenbach
Language - isiNdebele
Level - First paragraphs
© African Storybook Initiative 2014
Creative Commons: Attribution 4.0
Source www.africanstorybook.org
Original source