Kusehlobo ilanga liyatjhisa, ehlathini elimileko.

Utjhontjhwani bekanganawo amanzi amalanga amanengi.

"Ngifuna ithosi lamanzi, nanyana lingehla ekarini," kuzililela utjhontjhwani.

Kodwana nombethe sewomile.

"Nangingawatholiko amanzi, ngizokufa," kulila utjhontjhwani. "Kufanele ngiye le emlanjeni engizwe ngawo."

"Umlambo uzele bewunamandla. Uzakukhukhula," kuyelelisa umlahlanja.

Utjhontjhwani besele omele amanzi khulu.

"Ngizokufa nangingaseli amanzi." Wakhamba, wayokufuna amanzi emlanjeni.

Wakhamba hlangana notjani naphezu kwamataka wemithi eyomileko.

Wakhamba waze wezwa ukuphahlaza kwamanzi. Kwakumlambo! Wezwa amagagasi.

Utjhontjhwani waginya umthamo omude wamanzi amakhaza.

Bekathabe khulu azange asabona negagasi nelizako.

Utjhontjhwani walinga ukubambela etjani obuthayako budlula ngakuye.

Kodwana amanzi amkhukhula.

"Ngibawa isizo. Ngiyabawa ngisizani!" warhuwelela.

"Rhaba, ukhwelele," kutjho izuba elimhlophe.

Libambelele etakeni ngomlomo walo.

"Ngizokuhlala la ngize ngikwazi ukuthokoza uzuba," utjhontjhwani uthatha isiqunto.

"Ngizokulinda abe abuye azokusela amanzi."

Ngelinye ilanga asalindile, abesana ababili beza emlanjeni.

Bebaphethe amaregere wokudumuza.

"Kunezuba elikhulu elimhlophe eliza njalo lizokusela amanzi," kutjho omunye wabesana.

"Lizokuba kukudla kwethu kwantambama namhlanje," kutjho umsana.

"Angekhe ngivumele abesana babulale izuba elimhlophe," kucabanga itjhontjhwani.

"Kodwana ngimncanyana nje ngingenza ini?"

Ngaso lesi isikhathi izuba elimhlophe laphaphela phasi.

Izuba elimhlophe belizokusela amanzi.

Utjhontjhwani waba nombono.

Weqela phezu kwenyawo lomsana omunye. Utjhontjhwani waluma khulu umsana ngendlela abe angakghona ngayo.

Umsana weqa.

Warhuwelela, "Atjhu!"

Izuba elimhlophe layelela belaphapha liphephile.

Kungiyo idlela utjhontjhwani athokoza ngayo izuba ngombana nalo lamsindisa.