Isikhukhukazi sakhohlisa ikhozi
Nathan Higenyi
Rob Owen
isiNdebele

Ekadeni isikhukhukazi nekhozi bebabangani.

Ngelinge ilanga ikhozi lathola isikhukhukazi siziphumulele ngaphasi komuthi siphethe iinkhwama zokuthenga. Isikhukhukazi besijame ngomlenze owodwa.

1

Ikhozi labuza isikhukhukazi, "Uphi omunye umlenze wakho?"

2

Isikhukhukazi satjela ikhozi, "Umninisitolo usike umlenze wami yena wabese unginikela igrozari."

3

Ikhozi labuza isikhukhukazi bona nalo lingenza bunjalo.

Nalo ikhozi belifuna igrozari. Isikhukhukazi savuma.

4

Ikhozi lakhamba laya kumninisitolo lambawa bona alisike umlenze owodwa bese ulinikela igrozari. Umninisitolo wavuma.

5

Ikhozi lapharuma ngomlenze owodwa indlela yoke libuyela ekhaya. Nokho belithabile ngezinto umninisitolo alinikele zona.

6

Lokha ikhozi nelifika ekhaya, lathola isikhukhukazi sinemilenze emibili.

7

Ikhozi lakwata khulu belagijimisa isikhukhukazi. Kodwana izange lisibambe. Ngale kwalokho, ikhozi lifuna amadzinyani wesikhukhukazi njalo.

Ngaso soke isikhathi nalibamba idzinyani lesikhukhukazi liyalidla.

8
You are free to download, copy, translate or adapt this story and use the illustrations as long as you attribute in the following way:
Isikhukhukazi sakhohlisa ikhozi
Author - Nathan Higenyi
Translation - Phephelaphi Mnguni, Sponono Mahlangu
Illustration - Rob Owen
Language - isiNdebele
Level - First paragraphs
© African Storybook Initiative 2015
Creative Commons: Attribution 4.0
Source www.africanstorybook.org
Original source