Umlindzi siciwi setilwane nekunakekela
Ursula Nafula
Magriet Brink
Siswati

Lena yindzaba lemayelana nemgcini wesiciwi setilwane letitintsandzane.

1

Inyanga lendlulile bekuyinyanga lephitsitelako lapha esiciwini. Nomusa unemnyaka munye budzala futsi nguye lowaba wekucala kufika kulesiciwi. Bekondzile futsi alusizi.

2

Kodvwa ngekushesha, Nomusa wagcina waba nemandla. Wacala kudlala naletinye tilwane.

3

Kwatsi ngalelinye lilanga enyangeni, kwefika ihelikhoptha yehlela esiciwini.

4

Lapha kulehelikhoptha bekukhona umntfwana lomncane wendlovu labembatsiswe ingubo lenkhulu.

5

Ndiwa bekanetinsuku letisihlanu budzala. Umgcini wesiciwi abencelisa Ndiwa lubisi ngelibhodlela.

6

Kwatsi ngalobunye busuku, bonkhe bantfu bavuswa ngumsindvo nakufika Ambiya.

7

Ambiya abenetinyanga letisihlanu budzala. Bekangenamandla kahle ngemva kweluhambo lwakhe loludze.

8

Ngenca yentsamo yakhe lendze kakhulu, umgcini wesiciwi bekabamba libhodlela lakhe aliphakamisele etulu kute akwati kufunta Ambiya.

9

Tintsandzane letafika ekugcineni ngaleyonyanga bekungemawundlu labelambile boKopi, Kepi naKeji.

10

Umgcini wesiciwi nebasiti bakhe bayatitsandza tonkhe tilwane letikulesiciwi, ngisho naleti letingeva.

11

Bonkhe bantfu balapha esiciwini basebenta ngekutikhandla. Banelitsemba lekutsi nato tintsandzane ngalelinye lilanga titawukhula tikwati kutinakekela. Nase tikhulile letilwane titawubuyela endle.

12
You are free to download, copy, translate or adapt this story and use the illustrations as long as you attribute in the following way:
Umlindzi siciwi setilwane nekunakekela
Author - Ursula Nafula, Nina Orange
Translation - Fakazile Armooh
Illustration - Magriet Brink
Language - Siswati
Level - First paragraphs
© African Storybook Initiative 2015
Creative Commons: Attribution 4.0
Source www.africanstorybook.org
Original source