Ha re tsamaea tseleng e telele, re tsamaea 'moho re bina pina.
Ke na le uena, uena le 'na.
Leeto le monate ha re le lelapa.
Ke tla u fuama joaloka sethole, se fuame litsuonyana.
Ha pula e rotha, marotholi a theoha holimo, ke tla u sireletsa sefahleho joalo ka katiba ea mokorotlo.
Ha leholimo le befa, ka lehalima le thoathoaretsa, e ba sebete, khutsa!
Ke na le uena.
Re tsamaea 'moho ha re na hlonama. Sheba holimo, sheba mahlokoreng.
Bona na re boneng!
Ha u bona se nyakalatsang, mpolelle.
Pelo eaka e nyakalle, re sututse ho hlora.
Ha maoto a choachoasela ke bolelele ba tsela, se khathatsehe, re se re titimme sebaka.
Cliniki ke eo.
Ke bohlale ho hlahloba qoqotho, mat'soafo le litsebe.
E ba matla u hole, phumula menyepetsi eo.
U ts'ohile? Ts'oara, maparela letsoho laka.
A u hlahlobe phallo ea mali ka lebanta la sephaka.
Ba re fa litlhare, ba re fa malebela ho re boloka re phetse.
Hae re tla kena.
U loketse ho khathala. Re ithutile tse ngata. Joale ke nako ea boroko.
Phomola hantle. Litoro tse monate.