Hi Sonto, Jimmy Zigba u howise golo yo hlula.

Hi Musumbunuku, Xipano xa Cool Cat xi tsempfe hi kwala.

"Heyi, Rafiki, yi kwihi misisi ya wena ya xinhutlwa?

Misisi ya wena a yi khavisiwangi naswitsanana, onge hi loko u nga ri mhaka na yona."

"Heyi, Rafiki, xana xi kwihi xibayana xa wena xa matlangwana?

Nhlonge ya wena ya nyamisa. Na wena wa nyamisanyana."

"Heyi, Rafiki, xana swi kwihi swiambalo na swa wena swa manyunyu?

Matino ya wena ya govekile, ya onhiwa hi swa munyu."

Siku rero, Rafiki u fambe a ya ekaya hi ku nonoka.

"Hahani, xana ndzi ng ava na misisi ya xinhutlwa?"

"Ndzi nge ku tsemeti misisi ya xinhutlwa. Kahlekahle, onge yi dyiwe hi muhlwa."

"Nhlonge ya mina ya nyamisa. Sesi. Xana u nga ndzi endla xibayana xa matlangwana?"

"A wu lavi xo fana na xa van'wana."

"Mkhulu, ndzi navela onge ndzi nga va na swiambalo swa manyunyu."

"Swiambalo swa manyunyu, n'wananga, swa onhaka hi mati ya munyu."

Ku hela ka vhiki loku landzelaka, Santi Ramires u howisile golo yo hlula.

Hi Musumbunuku, Xipano xa Cool Cat xi tsempfe hi kwala.

"Heyi, Rafiki! Wa twala!"

Rafiki a khindlata. "Ndzi languteka ku fana na mina. Xitayili xa mina i xa mina."