Jimmy Zogba o kora tshikoro tsha u wina kha mutambo wa Swondaha.

Nga Musumbuluwo, vha Cool Cat Crew vha fhira vha tshi khou tshimbila vho ḓikukumusa.

"Heyi, Rafiki, mavhudzi aṋu a no nga a mbiḓi a ngafhi?

Mavhudzi aṋu o tou ralo ha ngo vhuya a shanduka, ni tou nga a ni na ndavha."

"Heyi, Rafiki, thathuu yaṋu ya kholekhole i ngafhi?

Lukanda lwaṋu lu khou bora nga maanḓa. Na inwi ni a bora."

"Heyi, Rafiki, mavhaivhai aṋu a kha maṋo a ngafhi? Hu tou vha uri maṋo aṋu a khou tseka."

Heḽo ḓuvha, Rafiki o ya hayani a tshi khou tshimbila nga u ongolowa.

"Makhadzi, vha nga ngera mavhudzi a no nga a mbiḓi?"

"Ndi nga si ni gere mavhudzi a no nga a mbiḓi.

Zwavhuḓivhuḓi, ndi nga si vhuye nda zwi thoma."

"Lukanda lwanga lu khou bora nga maanḓa, Sisi. Ni nga kona u nnyita thathuu ya kholekhole?"

"A ni ṱoḓi thathuu uri ni vhe inwi muṋe."

"Makhulu, ndi tama ndi tshi nga ndi na mavhaimavhai kha maṋo."

"Ṅwananga, mavhaivhai kha maṋo ha ambi tshithu na tshithihi."

Santi Ramires a kora tshikoro tsha u wina nga mafhelo a vhege a tevhelaho.

Nga Musumbuluwo vha Cool Cat Crew vha fhira vha tshi khou tshimbila vho ḓikukumusa.

"Heyi, Rafiki! Ni vhonala no naka nga maanḓa!"

Rafiki a imisa na mahaḓa.

"Ndi zwine nda vha zwone. Hetshi ndi tshitaela tshanga."