Musi ri tshi ya u tshimbila na lwendo lwo lapfa, ri ḓo tshimbila roṱhe ri tshi khou imba luimbo.

Ri roṱhe. Lwendo lu a takadza ri na vha muṱa wa hashu.

Ndi ḓo ni dzudza nga mulalo u tou fana na khuhu ya phambo.

I dzudza zwikukwana zwayo zwi na vhududo nga fhasi ha phapha dzayo.

Arali mvula ya thoma u na i tshi bva makoleni, ndi ḓo dzudza tshifhaṱuwo tshaṋu tsho oma u tou fana na houḽa muṅwadzi wavhuḓi.

Arali makole a maḓumbu a thoma u dinalea na u vhomba na u gungula, ni khwaṱhe, ni lilela-ni?

A ni noṱhe.

Ri tshi khou tshimbila roṱhe ri nga si vhuye ra vha na vhuludu.

Sedzani nṱha! Sedzani matungo oṱhe u mona na inwi! Ḽifhasi ndi ḽavhuḓi nahone ḽo dalafhala!

Arali na vhona tshiṅwe tshithu tshine tsha takadza u tshi vhona, a thi ṱoḓi u tshi ṱahela.

Ndi khou humbela uri ni mmbudze vho.

Arali milenzhe yaṋu ya thoma u vhavha nga lwendo lwe ra lu tshimbila, ni songo vhilaela, ro swika hune ra khou ya hone!

Ro vhuya ra swika kiḽiniki khefha.

Roṱhe ri fanela u ita ri tshi ṱola mikulo, mafhafhu na nḓevhe dzashu.

Ni khwaṱhe musi ni tshi khou aluwa, a si zwine zwa nga ita uri ni lile.

Ni vhona unga zwi a ofhisa? Farani tshanḓa tshanga khetshi.

Vha ḓo ṱola mutsiko waṋu wa malofha nga bannda heḽi ḽa tshanḓani ḽa vhuṱali.

Vha ri ṋea mishonga yashu, vha ri vhudza zwine ra fanela u zwi ḓivha, uri roṱhe ri dzule ri na mutakalo.

Zwino ri khou humela hayani.

Zwo luga uri muthu a nete, ro vhona zwithu zwinzhi.

Zwino ndi tshifhinga tsha u eḓela.

Ni eḓele zwavhuḓi nahone ni lore miloro yavhuḓi.