Isitayela sakaRafiki
Louis Greenberg
Audrey Anderson
isiNdebele

NgoSondo, uJimmy Zogba ufake igondelo lokuthumba.

1

NgoMvulo i-Cool Cat Crew yakhambakhamba ngokuzithemba nokuqhoma okukhulu.

2

"Hayi, Rafiki siphi isitayela sakho seenhluthu zeduba?

Iinhluthu zakho azikalungiswa kuhle, sengathi awuzithandi."

3

"Hayi, Rafiki iphi isinga thathu yakho?

Isikhumba sakho asithabisi nakancani."

4

"Hayi, Rafiki buphi ubukhazikhazi bakho bemlonyeni?

Amazinyo wakho akakahlali kuhle."

5

Ngalelolanga uRafiki wakhamba kabuthaka asiya ekhaya.

6

"Kghari, ngingaba nazo iinhluthu zeduba?"

"Angeze ngikghone ukukukerela iinhluthu zeduba. Eqinisweni angeze ngikghone."

7

"Isikhumba sami asithabisi Dade. Ungakghona ukungenzela isinga thathu?"

"Awudingi bona kube khona omunye umuntu ofana nawe."

8

"Babamkhulu, ngifisa sengathi ngingaba nento ebukhazikhazi."

"Ubukhazikhazi mntwanami abutjho litho."

9

Ipelaveke elandelako uSanti Ramires wabetha igondelo lokuthumba.

10

NgoMvulo i-Cool Cat Crew yakhambakhamba ngokuzithemba nokuqhoma okukhulu.

"Hayi, uRafiki! Ubonakala amuhle!"

11

URafiki wasikinya amahlombe. "Ngifana nami, isitayela lesi ngesami."

12
You are free to download, copy, translate or adapt this story and use the illustrations as long as you attribute in the following way:
Isitayela sakaRafiki
Author - Louis Greenberg
Translation - Bangula Lingo Centre cc
Illustration - Audrey Anderson
Language - isiNdebele
Level - First paragraphs
© Louis Greenberg, Audrey Anderson, Wesley Thompson, Book Dash 2015
Creative Commons: Attribution 4.0
Source www.africanstorybook.org
Original source www.bookdash.org