N'warisokotinyana a rhandza ku hlaya. Vusokoti lebyin'wana byi hlekula, byi n'wi laya.
"Vusokoti a byi hlayi. Vusokiti byi fanele ku phamela. Vusokiti byi hlengeleta swakudya leswi nga fanela."
N'warisokotinyana a ta hlaya siku hinkwaro, a hlayetela loko lebyin'wana byi duke naro!
Vusokoti lebyin’wana a byi handza sava byi hlayisa swakudya ehansi ka misava.
Vatswari va yena a va hlundzuka swinene, N'warisokotinyana a titwa ku biha hakunene.
Hi xixikana loko matluka ma dzudzeka, vusokoti bya swakudya bya makanyeka.
Nkosikazi yi lava swakudya ku tata dulu, vusokoti byi hlengeleta swakudya hi tinhulu.
N'warisokotinyana u sungula ku huwelela hi mayelana na ndhawu leyi a nga hlaya hi mayelana na yona.
"Khefi hi lexi hi xi lavaka, ndhawu laha vanhu va phameriwaka, va vula tano etibukwini leti ndzi ti hlayaka."
Vusokoti byi macha hi rin'werin'we. Byi macha byi famba swin'we.
Kutani N'warisokotinyana a ku, "Heyi, tivoneleni eka tihuku!"
Vusokoti byi macha hi rin'werin'we, byi khome bantsi na bega, yin'weyin'we.
Loko byi vuya Nkosikazi yi tsakile. Madulu ya tela. Mikulungwana yi fikile.
N'warisokotinyana a vukarha vatswari va yena.
A khoma sesi wa yena lowa ricece hi voko, yena a n'wi khoma hi rhoko. "Swi kahle ku tikarhatela vutlhari bya tibuku, Hina hi rivala ku fana na tihuku."