Lusunzi lwo vha lu tshi funa u vhala. Lusunzi lwo vha lu tshi anzela u goḓiwa.

"Vhusunzi a vhu vhali. Vhusunzi vhu fanela u ḽa. Vhusunzi vhu kuvhanganya zwiḽiwa zwine ha zwi ṱoḓa."

Lusunzi lwo vha lu tshi vhala ḓuvha ḽoṱhe, lwo vha lu tshi vhala lwo vhala ḓuvha ḽa vhuya ḽa kovhela.

Vhuṅwe vhusunzi ho vha vhu tshi khou dzhia zwine ha khou wana zwone ha zwi vhulunga milindini u itela vhuriha.

Mme alwo na khotsi alwo vha dinalea nga maanḓa, zwa vhaisa vhukuma Lusunzi.

Nga luṱavula musi maṱari a tshi zuzea, vhusunzi hone vhu fanela u vha vhu tshi khou vhea zwiḽiwa milindini.

Khosikadzi i ṱoḓa uri zwiḽiwa zwi ḓadze maḓulu, zwo ralo vhusunzi hoṱhe vhu fanela u shumesa.

Lusunzi lwa thoma u huwelela nga ha fhethu he lwa vhala ngaho.

"Khefi ndi tshone tshithu tshine ra tshi ṱoḓa, fhethu hune vhathu vha ya vha tshi ḽa hone. Zwo ṅwalwa ngauralo kha bugu dze nda dzi vhala."

Vhusunzi ha ya vhu tshi khou matsha nga luthihi nga luthihi. Vhu khou matsha ho livha hune ḓuvha ḽa khou kovhela hone.

Lusunzi lwa ri, "Hu na iṅwe ine ya vha hone!"

Vhusunzi ha ya vhu tshi khou matsha nga luthihi nga luthihi, ho hwala bega, ho hwala bantsi.

Musi vhu tshi vhuya, Khosikadzi ya takala. Maḓulu o ḓala. Ha pembela vhukuma.

Lusunzi lwa kuvhatedziwa nga mme alwo na khotsi alwo.

Khaladzi alwo muṱuku a lu fara nga tshanḓa, "Zwino ndi vhona unga ndi a pfesesa. Nga nḓila ine wa funa ngayo u vhala bugu, zwi ita uri ndi ṱoḓe u i lavhelesa."