Ntfutfwane Lomncane bekatsandza kufundza. Ntfutfwane Lomncane bekahlala njalo eyiwa.

"Tintfutfwane atifundzi. Tintfutfwane tifanele kutsi tidle. Tintfutfwane ticokelela kudla letikudzingako."

Ntfutfwane Lomncane bekafundza lilanga lonkhe, bekafundza lilanga lite lishone.

Leti letinye tintfutfwane betitsasa loko betikutfola tikubeke ngaphasi kwemhlaba tikugcinele busika.

Make nababe wakhe bamtfukutselela kakhulu, naye Ntfutfwane Lomncane wativa angasikahle.

Ekwindla emacembe nakahhohloka etihlahleni, tintfutfwane tifanele kutsi tigcine kudla ngaphasi kwemhlaba.

Indlovukati ifuna kudla itogcwalisa ingungu, ngako-ke tonkhe tintfuntfwane tifanele kutsi tisebente kakhulu.

Ntfutfwane Lomncane ucala kumemeta ukhuluma ngendzawo lafundze ngayo.

"Sidzinga likhefi, indzawo tintfutfwane letitawuhamba tiyokudla kuyo. Kushiwo njalo etincwadzini lengitifundzako."

Tintfutfwane tihamba ngayinye ngayinye. Tihamba tiya elangeni lelishonako.

Ntfutfwane Lomncane watsi, "Hhayi bo! Nayi yinye!"

Tintfutfwane tahamba ngayinye ngayinye, tetfwele ibhega, tetfwele libhanisi.

Natibuya Indlovukati ijabulile. Tingungu tigcwele. Kwaba nenhlokomo kwangatsi tiyahlanya.

Ntfutfwane ugonwa ngumake nababe wakhe.

Sisi wakhe lomncane ubamba sandla sakhe, "Manje ngicabanga kutsi sengiyavisisa. Indlela lofundza ngayo incwadzi, ingenta kutsi ngifune kubuka."